tu kaun hai ri

tū kaun hai rī

tū kaun hai rī

tū kaun hai batā

kin ḳhvāboñ se tū bichhḌī hai

ḳhushbū kī tarah jo bikhrī hai

kis kāran mujh se milī hai tū

kis kāran mujh se bichhḌegī

kab bichhḌegī

kyoñ bichhḌegī

kis rut kī āvāra ye pavan

merī rāhoñ meñ raqs kare

mirī soch kā āñchal oḌh ke jo

sāñsoñ kī agan meñ chamak bhare

kis giit kañval kī jhiil hai tū

kis niile āñgan kī hai dhanak

kis giit ke chhandoñ kī hai dulhan

jo merī ġhazal meñ rang bhare

vo rang alag hai rangoñ se

vo rang ākāsh ke rangoñ meñ

mujh ko na milā maiñ khoj chukā

vo rang to terā apnā hai

jo titlī phuul kalī se judā

jo duniyā ke rangoñ se judā

shāyad tū merī in bātoñ par

mere in sabhī savāloñ par

ḳhāmosh rahe kuchh bhī na kahe

lekin ye tirī ḳhāmoshī bhī

jo kuchh na kahe aur sab kah de

phir bhī mujhe kahnā ye tum se

tū kaun hai rī tū kyā hai batā

kin ḳhvāboñ se tū bichhḌī hai

kis Daal kī komal kalī hai tū

ḳhushbū kī tarah jo bikhrī hai

kis kāran mujh se milī hai tū

tu kaun hai ri

tu kaun hai ri

tu kaun hai bata

kin KHwabon se tu bichhDi hai

KHushbu ki tarah jo bikhri hai

kis karan mujh se mili hai tu

kis karan mujh se bichhDegi

kab bichhDegi

kyon bichhDegi

kis rut ki aawara ye pawan

meri rahon mein raqs kare

meri soch ka aanchal oDh ke jo

sanson ki agan mein chamak bhare

kis git kanwal ki jhil hai tu

kis nile aangan ki hai dhanak

kis git ke chhandon ki hai dulhan

jo meri ghazal mein rang bhare

wo rang alag hai rangon se

wo rang aakash ke rangon mein

mujh ko na mila main khoj chuka

wo rang to tera apna hai

jo titli phul kali se juda

jo duniya ke rangon se juda

shayad tu meri in baaton par

mere in sabhi sawalon par

KHamosh rahe kuchh bhi na kahe

lekin ye teri KHamoshi bhi

jo kuchh na kahe aur sab kah de

phir bhi mujhe kahna ye tum se

tu kaun hai ri tu kya hai bata

kin KHwabon se tu bichhDi hai

kis Dal ki komal kali hai tu

KHushbu ki tarah jo bikhri hai

kis karan mujh se mili hai tu