tu tu main main

gājar bolī b muulī se

dekho mere Dhañg nirāle

laal gulābī rañg hai merā

mīThā ik ik añg hai merā

mujh se halva log banā.eñ

is meñ meva-jāt milā.eñ

ḳhuub maze le le kar khā.eñ

mujh se kitnā pyaar jatā.eñ

tū to apnī aap sazā hai

rañg burā be-kār mazā hai

tīkhī itnī muñh jal jaa.e

tujh ko kitne log na khaa.e

muulī bolī taish meñ aa kar

jaltī hai tū mujh se gājar

chāñdī jaisā rañg hai merā

ujlā ik ik añg hai merā

maiñ huuñ har pakvān kī sāthī

ya.anī dastar-ḳhvān kī sāthī

khā.eñ mujh ko log gharoñ ghar

kyā shabrātī kyā murlī-dhar

tū to hai har fitne kī jaḌ

duur karūñ maiñ peT kī gaḌbaḌ

maiñ ūñchī huuñ tū hai nīchī

ya.anī mere pair kī juutī

sun kar tū tū maiñ maiñ un kī

samjhāne ko laukī aa.ī

bolī laukī jhagḌā kaisā

insānoñ kā ye hai sheva

apnā to sansār alag hai

ya.anī kārobār alag hai

ik duuje se jal jal marnā

insānoñ kī bāteñ sab haiñ

hindū muslim sikh īsā.ī

nā-dānoñ kī zāteñ sab haiñ

lekin muulī gājar laukī

aapas meñ haiñ apne saare

sab achchhe haiñ sab kār-āmad

ik bagiyā ke sapne saare

chhoḌo jhagḌā aur laḌā.ī

aapas kī ye maar kaTā.ī

ab aapas meñ jañg na karnā

ik duuje ko tañg na karnā

gajar boli b muli se

dekho mere Dhang nirale

lal gulabi rang hai mera

miTha ek ek ang hai mera

mujh se halwa log banaen

is mein mewa-jat milaen

KHub maze le le kar khaen

mujh se kitna pyar jataen

tu to apni aap saza hai

rang bura be-kar maza hai

tikhi itni munh jal jae

tujh ko kitne log na khae

muli boli taish mein aa kar

jalti hai tu mujh se gajar

chandi jaisa rang hai mera

ujla ek ek ang hai mera

main hun har pakwan ki sathi

yani dastar-KHwan ki sathi

khaen mujh ko log gharon ghar

kya shabraati kya murli-dhar

tu to hai har fitne ki jaD

dur karun main peT ki gaDbaD

main unchi hun tu hai nichi

yani mere pair ki juti

sun kar tu tu main main un ki

samjhane ko lauki aai

boli lauki jhagDa kaisa

insanon ka ye hai shewa

apna to sansar alag hai

yani karobar alag hai

ek duje se jal jal marna

insanon ki baaten sab hain

hindu muslim sikh isai

na-danon ki zaten sab hain

lekin muli gajar lauki

aapas mein hain apne sare

sab achchhe hain sab kar-amad

ek bagiya ke sapne sare

chhoDo jhagDa aur laDai

aapas ki ye mar kaTai

ab aapas mein jang na karna

ek duje ko tang na karna