udasi

vo shaḳhs jis ko hañste hue ghar pasand the

vo shaḳhs jis ko bolte manzar pasand the

vo shaḳhs jis ke saath samay ḳhush-gavār thā

vo shaḳhs jaane kitne diloñ kā qarār thā

kuchh vaqt se vo hālat-e-duniyā se hai ḳhafā

ḳhushbū se rañj koh se dariyā se hai ḳhafā

āñkheñ udaas aisī ki māthe pe bal paḌeñ

afsurdagān-e-shahr ke aañsū nikal paḌeñ

duniyā meñ gum nahīñ hai ġham-e-zāt meñ hai gum

kaise batā.ūñ tum ko vo kis baat meñ hai gum

wo shaKHs jis ko hanste hue ghar pasand the

wo shaKHs jis ko bolte manzar pasand the

wo shaKHs jis ke sath samay KHush-gawar tha

wo shaKHs jaane kitne dilon ka qarar tha

kuchh waqt se wo haalat-e-duniya se hai KHafa

KHushbu se ranj koh se dariya se hai KHafa

aankhen udas aisi ki mathe pe bal paDen

afsurdagan-e-shahr ke aansu nikal paDen

duniya mein gum nahin hai gham-e-zat mein hai gum

kaise bataun tum ko wo kis baat mein hai gum