ummid meri shahzadi thi

ammī kī mohabbat miltī hai

abbū kī bhī shafqat miltī hai

ai maazī tire ik dāman se

kyā kyā mujhe daulat miltī hai

bachpan kā zamāna tujh meñ hai

har lamha suhānā tujh meñ hai

jo ḳhvāboñ ko dastak detā thā

vo ahd purānā tujh meñ hai

nākāmī na ye nā-shādī thī

be-fikrī thī āzādī thī

shahzāda thā maiñ armānoñ kā

ummīd mirī shahzādī thī

har kiina hasad se duur thā maiñ

har ādat-e-bad se duur thā maiñ

ma.asūm tabī.at thī merī

shaitān kī zad se duur thā maiñ

ye chāñd khilaunā thā merā

ik sapnā sunahrā thā merā

muTThī meñ thī duniyā band mirī

ye saarā zamāna thā merā

bachpan kā zamāna biit gayā

vo miit ga.e vo giit gayā

'shahzād' ab aksar sochtā huuñ

kyā haar gayā kyā jiit gayā

ammi ki mohabbat milti hai

abbu ki bhi shafqat milti hai

ai mazi tere ek daman se

kya kya mujhe daulat milti hai

bachpan ka zamana tujh mein hai

har lamha suhana tujh mein hai

jo KHwabon ko dastak deta tha

wo ahd purana tujh mein hai

nakaami na ye na-shadi thi

be-fikri thi aazadi thi

shahzada tha main armanon ka

ummid meri shahzadi thi

har kina hasad se dur tha main

har aadat-e-bad se dur tha main

masum tabiat thi meri

shaitan ki zad se dur tha main

ye chand khilauna tha mera

ek sapna sunahra tha mera

muTThi mein thi duniya band meri

ye sara zamana tha mera

bachpan ka zamana bit gaya

wo mit gae wo git gaya

'shahzad' ab aksar sochta hun

kya haar gaya kya jit gaya