ummid

zindagī tiira ġhaar ke mānind

aur maiñ raushnī kā shaidā.ī

kāñptī ūñghtī sī dīvāreñ

pattharoñ par sajī huī kaa.ī

giilī giilī siyah chaTānoñ par

girtī būñdoñ kī naġhma-pairā.ī

tīrgī aur hazār āvāzeñ

dil rahīn-e-fareb-e-tanhā.ī

har qadam laġhzishoñ kā afsāna

har nafas vaqf-e-nā-shakebā.ī

duur lekin vo nuur kā nuqta

paikar-e-sīm-gūñ kī ra.anā.ī

tasht-e-gardūñ meñ jaise najm-e-sahar

shab kī āñkhoñ meñ jaise bīnā.ī

zindagi tera ghaar ke manind

aur main raushni ka shaidai

kanpti unghti si diwaren

pattharon par saji hui kai

gili gili siyah chaTanon par

girti bundon ki naghma-pairai

tirgi aur hazar aawazen

dil rahin-e-fareb-e-tanhai

har qadam laghzishon ka afsana

har nafas waqf-e-na-shakebai

dur lekin wo nur ka nuqta

paikar-e-sim-gun ki ranai

tasht-e-gardun mein jaise najm-e-sahar

shab ki aankhon mein jaise binai