umr-e-gurezan ke nam

umar yuuñ mujh se gurezāñ hai ki har gaam pe maiñ

is ke dāman se lipaTtā huuñ manātā huuñ ise

vāsta detā huuñ mahrūmī o nākāmī kā

dāstāñ ābla-pā.ī kī sunātā huuñ ise

ḳhvāb adhūre haiñ jo dohrātā huuñ un ḳhvāboñ ko

zaḳhm pinhāñ haiñ jo vo zaḳhm dikhātā huuñ use

us se kahtā huuñ tamannā ke lab-o-lahje meñ

ai mirī jaan mirī laila-e-tābinda-jabīñ

suntā huuñ tū hai mirī laila-e-tābinda-jabīñ

suntā huuñ tū hai mah o mahr se bhī baḌh ke hasīñ

yuuñ na ho mujh se gurezāñ ki abhī tak maiñ ne

jānñā tujh ko kujā paas se dekhā bhī nahīñ

sub.h uTh jaatā huuñ jab murġh azaañ dete haiñ

aur roTī ke ta.āqub meñ nikal jaatā huuñ

shaam ko Dhor palaTte haiñ charā-gāhoñ se jab

shab-gizārī ke liye maiñ bhī palaT aatā huuñ

yuuñ na ho mujh se gurezāñ mirā sarmāya abhī

ḳhvāb hī ḳhvāb haiñ ḳhvāboñ ke sivā kuchh bhī nahīñ

multavī kartā rahā kal pe tirī diid ko maiñ

umar yun mujh se gurezan hai ki har gam pe main

is ke daman se lipaTta hun manata hun ise

wasta deta hun mahrumi o nakaami ka

dastan aabla-pai ki sunata hun ise

KHwab adhure hain jo dohraata hun un KHwabon ko

zaKHm pinhan hain jo wo zaKHm dikhata hun use

us se kahta hun tamanna ke lab-o-lahje mein

ai meri jaan meri laila-e-tabinda-jabin

sunta hun tu hai meri laila-e-tabinda-jabin

sunta hun tu hai mah o mahr se bhi baDh ke hasin

yun na ho mujh se gurezan ki abhi tak main ne

jaanna tujh ko kuja pas se dekha bhi nahin

subh uTh jata hun jab murgh azan dete hain

aur roTi ke taaqub mein nikal jata hun

sham ko Dhor palaTte hain chara-gahon se jab

shab-gizari ke liye main bhi palaT aata hun

yun na ho mujh se gurezan mera sarmaya abhi

KHwab hi KHwab hain KHwabon ke siwa kuchh bhi nahin

multawi karta raha kal pe teri did ko main