un logon ke andar

un logoñ ke andar jin ke andar meñ bhī huuñ

mere bar-aks aise bhī

haiñ kuchh log

jin kī bātoñ ke kuchh sachche ruup

un ke harbe haiñ

lekin ye sach un kā nahīñ hotā

ye sach auroñ se chhīnā huā hotā hai

apne jhuuT aur apnī badī ko chhapāne kī ḳhātir

vo auroñ kī ik ik achchhā.ī ko hathyā lete haiñ

aur phir us hathiyār ko le kar jab vo chalte haiñ

saarī duniyā un se Dartī hai

ye bhī kaisā zamāna hai

jab achchhoñ kī sab achhā.iyāñ buroñ ke hāthoñ meñ

harbe haiñ sachche log agar jīvaT huuñ

kaun un ke muñh aa.egā

jhuuT ke us tālāb ke sab kachhve

apne apne ḳhol meñ apne apne kaale zamīroñ meñ

chhup jā.eñge

un logon ke andar jin ke andar mein bhi hun

mere bar-aks aise bhi

hain kuchh log

jin ki baaton ke kuchh sachche rup

un ke harbe hain

lekin ye sach un ka nahin hota

ye sach auron se chhina hua hota hai

apne jhuT aur apni badi ko chhapane ki KHatir

wo auron ki ek ek achchhai ko hathya lete hain

aur phir us hathiyar ko le kar jab wo chalte hain

sari duniya un se Darti hai

ye bhi kaisa zamana hai

jab achchhon ki sab achhaiyan buron ke hathon mein

harbe hain sachche log agar jiwaT hun

kaun un ke munh aaega

jhuT ke us talab ke sab kachhwe

apne apne KHol mein apne apne kale zamiron mein

chhup jaenge