urdu ka janaza hai zara dhum se nikle

kyuuñ jān-e-hazīñ ḳhatra-e-mauhūm se nikle

kyuuñ nāla-e-hasrat dil-e-maġhmūm se nikle

aañsū na kisī dīda-e-mazlūm se nikle

kah do ki na shikva lab-e-maġhmūm se nikle

urdu kā janāza hai zarā dhuum se nikle

urdu kā ġham-e-marg subuk bhī hai garāñ bhī

hai shāmil-e-arbāb-e-azā shāh-e-jahāñ bhī

miTne ko hai aslāf kī azmat kā nishāñ bhī

ye mayyat-e-ġham dehlī-e-marhūm se nikle

urdu kā janāza hai zarā dhuum se nikle

ai tāj-mahal naqsh-ba-dīvār ho ġham se

ai qil.a-e-shāhī ye alam pūchh na ham se

ai ḳhāk-e-avadh fā.eda kyā sharh-e-sitam se

tahrīk ye misr-o-arab-o-rome se nikle

urdu kā janāza hai zarā dhuum se nikle

saaya ho jab urdu ke janāze pe 'valī' kā

hoñ 'mīr-taqī' saath to hamrāh huuñ 'saudā'

dafnā.eñ use 'mus.hafī'-o-'nāsiḳh'-o-'inshā'

ye faal har ik daftar-e-manzūm se nikle

urdu kā janāza hai zarā dhuum se nikle

bad-zauq hai ahbāb se go zauq haiñ ranjūr

urdu-e-muallā ke na mātam se raheñ duur

talqīn sar-e-qabr paḌheñ momin-e-maġhfūr

fariyād dil-e-'ġhālib'-e-marhūm se nikle

urdu kā janāza hai zarā dhuum se nikle

hai marsiyāñ-ḳhvāñ qaum haiñ urdu ke bahut kam

kah do ki 'anīs' is kā likheñ marsiya-e-ġham

jannat se 'dabīr' aa ke paḌheñ nauha-e-mātam

ye chīḳh uThe dil se na hulqūm se nikle

urdu kā janāza hai zarā dhuum se nikle

is laash ko chupke se koī dafan na kar de

pahle koī 'sirsayyad'-e-a.azam ko ḳhabar de

vo mard-e-ḳhudā ham meñ na.ī ruuh to bhar de

vo ruuh ki maujūd na ma.adūm se nikle

urdu kā janāza hai zarā dhuum se nikle

urdu ke janāze kī ye saj-dhaj ho nirālī

saf-basta hoñ marhūma ke sab vāris-o-vālī

'āzād'-o-'nazīr'-o-'sharar'-o-'shiblī'-o-'hālī'

fariyād ye sab ke dil-e-maġhmūm se nikle

urdu kā janāza hai zarā dhuum se nikle

kyun jaan-e-hazin KHatra-e-mauhum se nikle

kyun nala-e-hasrat dil-e-maghmum se nikle

aansu na kisi dida-e-mazlum se nikle

kah do ki na shikwa lab-e-maghmum se nikle

urdu ka janaza hai zara dhum se nikle

urdu ka gham-e-marg subuk bhi hai garan bhi

hai shamil-e-arbab-e-aza shah-e-jahan bhi

miTne ko hai aslaf ki azmat ka nishan bhi

ye mayyat-e-gham dehli-e-marhum se nikle

urdu ka janaza hai zara dhum se nikle

ai taj-mahal naqsh-ba-diwar ho gham se

ai qila-e-shahi ye alam puchh na hum se

ai KHak-e-awadh faeda kya sharh-e-sitam se

tahrik ye misr-o-arab-o-rome se nikle

urdu ka janaza hai zara dhum se nikle

saya ho jab urdu ke janaze pe 'wali' ka

hon 'mir-taqi' sath to hamrah hun 'sauda'

dafnaen use 'mushafi'-o-'nasiKH'-o-'insha'

ye fal har ek daftar-e-manzum se nikle

urdu ka janaza hai zara dhum se nikle

bad-zauq hai ahbab se go zauq hain ranjur

urdu-e-mualla ke na matam se rahen dur

talqin sar-e-qabr paDhen momin-e-maghfur

fariyaad dil-e-'ghaalib'-e-marhum se nikle

urdu ka janaza hai zara dhum se nikle

hai marsiyan-KHwan qaum hain urdu ke bahut kam

kah do ki 'anis' is ka likhen marsiya-e-gham

jannat se 'dabir' aa ke paDhen nauha-e-matam

ye chiKH uThe dil se na hulqum se nikle

urdu ka janaza hai zara dhum se nikle

is lash ko chupke se koi dafan na kar de

pahle koi 'sirsayyad'-e-azam ko KHabar de

wo mard-e-KHuda hum mein nai ruh to bhar de

wo ruh ki maujud na madum se nikle

urdu ka janaza hai zara dhum se nikle

urdu ke janaze ki ye saj-dhaj ho nirali

saf-basta hon marhuma ke sab waris-o-wali

'azad'-o-'nazir'-o-'sharar'-o-'shibli'-o-'haali'

fariyaad ye sab ke dil-e-maghmum se nikle

urdu ka janaza hai zara dhum se nikle