urdu

maiñ urdu huuñ

mujhe ġhairoñ se kyā ḳhatra

kabhī dushman se hotā hī nahīñ ḳhatra kisī ko bhī

sabab tum bhī samajhte ho

ki dushman har ghaḌī har pal

muqābil hī rahā kartā hai dushman ke

muqābil se to maidānoñ meñ akasr jañg hotī hai

natīja jañg kā tum bhī samajhte ho

mahāz-e-jañg pur-ḳhatar hai nahīñ hotā

shikast-o-fat.h hotī hai

to phir ḳhatra kahāñ se hai

suno rūdād-e-ġham

dil thaam kar sunñā zarā logo

mujhe ḳhatra hai apnoñ se

mujhe ḳhatra hai shā.ir aur dānish-var adīboñ se

mujhe naqqād se ḳhatra muhaqqiq se mujhe ḳhatra

ye saare log vo haiñ jo ta.alluq se mire ab tak

zamīñ se arsh tak

da.ave to karte haiñ bulandī ke

muhāfiz ḳhud ko urdu kā kahā karte haiñ ye akasr

ye da.avā sab bajā lekin

koī pūchhe zarā un se

tumhāre pyāre bachchoñ meñ koī aisā bhī bachcha hai

ki jis ko aap ne urdu se bahra-var kiyā ab tak

agar koī ye pūchhegā

shikan māthe pe aa.egī nafī meñ sar jhukā.eñge

yahī qātil to haiñ mere

yahī to mere apne haiñ

unheñ se mujh ko ḳhatra hai

unheñ pahchān lo logo

unheñ pahchān lo logo

main urdu hun

mujhe ghairon se kya KHatra

kabhi dushman se hota hi nahin KHatra kisi ko bhi

sabab tum bhi samajhte ho

ki dushman har ghaDi har pal

muqabil hi raha karta hai dushman ke

muqabil se to maidanon mein akasr jang hoti hai

natija jang ka tum bhi samajhte ho

mahaz-e-jang pur-KHatar hai nahin hota

shikast-o-fath hoti hai

to phir KHatra kahan se hai

suno rudad-e-gham

dil tham kar sunna zara logo

mujhe KHatra hai apnon se

mujhe KHatra hai shair aur danish-war adibon se

mujhe naqqad se KHatra muhaqqiq se mujhe KHatra

ye sare log wo hain jo talluq se mere ab tak

zamin se arsh tak

dawe to karte hain bulandi ke

muhafiz KHud ko urdu ka kaha karte hain ye akasr

ye dawa sab baja lekin

koi puchhe zara un se

tumhaare pyare bachchon mein koi aisa bhi bachcha hai

ki jis ko aap ne urdu se bahra-war kiya ab tak

agar koi ye puchhega

shikan mathe pe aaegi nafi mein sar jhukaenge

yahi qatil to hain mere

yahi to mere apne hain

unhen se mujh ko KHatra hai

unhen pahchan lo logo

unhen pahchan lo logo