chahaton ka jahan hai urdu

chāhatoñ kā jahān hai urdu

rāhatoñ kā nishān hai urdu

ishq kā e'tibār aur vaqār

husn kī ān-bān hai urdu

dil-fazā zau-kada sabāhat kā

aur malāhat kī kaan hai urdu

nasr kā hai ḳhirām-e-ḳhush-hañgām

shā.irī kī uḌaan hai urdu

zinda hai apnā zauq-o-shauq is se

ārzūoñ kī jaan hai urdu

lutf hastī kā rañg mastī kā

ḳhushnumā kārvān hai urdu

zikr-e-ārā.ish-e-ḳham-e-kākul

kaif-e-hindostān hai urdu

daftar-e-ittihād-o-yak-jehtī

pyaar kī dāstān hai urdu

ektā hai anektā meñ bhī

dost-dārī kā maan hai urdu

'ġhālib'-o-'mīr' is ke shaidā the

jin kī rūh-e-ravān hai urdu

'ātish' o 'momin' o 'nazīr' o 'jigar'

jin kī rañgīñ zabān hai urdu

is ke āshiq 'nasīm' aur chakbast

jin ke jazboñ kī shaan shaan hai urdu

dost is ke 'surūr' aur 'sarshār'

is liye shādmān hai urdu

dard-mañd is ke 'premchand' rahe

jin ke baa.is javān hai urdu

is ke mushtāq 'mullā' aur 'firāq'

jin ke dil kā bayān hai urdu

na.ara-zan 'josh' kā ḳharosh is meñ

josh kī tarjumān hai urdu

'faiz' o 'iqbāl' o kirshn-chandar se

vus.at-e-be-karān hai urdu

dhuum 'mahrūm' kī huī is meñ

aur 'munavār' kī aan hai urdu

'rāshid' o 'mīrā-jī' kī albelī

shoḳh-adā rāzdān hai urdu

fitnat-o-fan kī daulat-e-bedār

'krishn-mohan' kī jaan hai urdu

chahaton ka jahan hai urdu

rahaton ka nishan hai urdu

ishq ka e'tibar aur waqar

husn ki aan-ban hai urdu

dil-faza zau-kada sabahat ka

aur malahat ki kan hai urdu

nasr ka hai KHiram-e-KHush-hangam

shairi ki uDan hai urdu

zinda hai apna zauq-o-shauq is se

aarzuon ki jaan hai urdu

lutf hasti ka rang masti ka

KHushnuma karwan hai urdu

zikr-e-araish-e-KHam-e-kakul

kaif-e-hindostan hai urdu

daftar-e-ittihad-o-yak-jehti

pyar ki dastan hai urdu

ekta hai anekta mein bhi

dost-dari ka man hai urdu

'ghaalib'-o-'mir' is ke shaida the

jin ki ruh-e-rawan hai urdu

'atish' o 'momin' o 'nazir' o 'jigar'

jin ki rangin zaban hai urdu

is ke aashiq 'nasim' aur chakbast

jin ke jazbon ki shan shan hai urdu

dost is ke 'surur' aur 'sarshaar'

is liye shadman hai urdu

dard-mand is ke 'premchand' rahe

jin ke bais jawan hai urdu

is ke mushtaq 'mulla' aur 'firaq'

jin ke dil ka bayan hai urdu

nara-zan 'josh' ka KHarosh is mein

josh ki tarjuman hai urdu

'faiz' o 'iqbaal' o kirshn-chandar se

wusat-e-be-karan hai urdu

dhum 'mahrum' ki hui is mein

aur 'munawar' ki aan hai urdu

'rashid' o 'mira-ji' ki albeli

shoKH-ada raazdan hai urdu

fitnat-o-fan ki daulat-e-bedar

'krishn-mohan' ki jaan hai urdu