urdu

faroġh-e-chashm hai taskīn-e-dil hai be-gumāñ urdu

har ik aalam meñ hai goyā bahār-e-gul-fishāñ urdu

koī dekhe to is kī quvvat-e-taḳhlīq kā aalam

banā saktī hai zer-e-charḳh lākhoñ āsmāñ urdu

muqallid jo nahīñ is kā vo pahuñchegā na manzil par

sar-e-har-jāda-e-manzil hai mīr-e-kārvāñ urdu

muhāfiz apnī quvvat se hai tahzīb-o-tamaddun kī

na kyuuñ ho irtiqā-e-zindagī kī rāz-dāñ urdu

gulistān-e-adab meñ jis qadar the muntashir jalve

munazzam kar chukī hai un ko misl-e-jism-o-jāñ urdu

fazā-e-ilm-o-fan par ye misāl-e-abr chhā.ī hai

mazāq-e-justujū ban kar rag-e-dil meñ samā.ī hai

zabāneñ aur bhī duniyā meñ kuchh garmī-e-mahfil haiñ

magar manzil hai urdu aur vo sab gard-e-manzil haiñ

har ik andāz raushan har bayāñ pur-kaif hai is kā

adā.eñ jis qadar bhī haiñ vo sharh-e-jazba-e-dil haiñ

zamīn-e-sher is kī ik chaman-zār-e-mohabbbat hai

haiñ jitne giit vo sab naġhma-e-fitrat kā hāsil hai

riyāzī ho ki mantiq falsafa ho yā tasavvuf ho

sab is kī bazm meñ maujūd haiñ aur jān-e-mahfil haiñ

milī haiñ jalva-e-fitrat kī sab rañgīniyāñ is ko

muraqqe is ke siine se lagā lene ke qābil haiñ

rivāj is kā jahāñ kī vus.atoñ meñ be-takalluf hai

ye pākīza zabāñ hai aur latīf is kā tasarruf hai

miTā saktā hai kaun aisī zabān-e-pāk-fitrat ko

dayā dars-e-vafā jis ne mazāq-e-mulk-o-millat ko

jumūd-e-zindagī meñ hashr barpā kar diyā is ne

atā kī haiñ isī ne bijliyāñ ehsās-e-ulfat ko

nizām-e-zindagānī par baḌā ehsān hai is kā

bahut āsāniyāñ is meñ mileñ tablīġh-e-fitrat ko

rahe shān-e-talāqat lafz-o-ma.anī haiñ ki gul-būTe

zahe auj-e-hazāqat jaan de dī murda hikmat ko

ye mumkin hai ki qaumoñ ko miTā de gardish-e-ālam

magar koī miTā saktā nahīñ urdu kī azmat ko

har ik tahrīk is kī tarjumān jazb-e-kāmil hai

ki har āhañg-e-urdu hamnavā-e-barbat-e-dil hai

farogh-e-chashm hai taskin-e-dil hai be-guman urdu

har ek aalam mein hai goya bahaar-e-gul-fishan urdu

koi dekhe to is ki quwwat-e-taKHliq ka aalam

bana sakti hai zer-e-charKH lakhon aasman urdu

muqallid jo nahin is ka wo pahunchega na manzil par

sar-e-har-jada-e-manzil hai mir-e-karwan urdu

muhafiz apni quwwat se hai tahzib-o-tamaddun ki

na kyun ho irtiqa-e-zindagi ki raaz-dan urdu

gulistan-e-adab mein jis qadar the muntashir jalwe

munazzam kar chuki hai un ko misl-e-jism-o-jaan urdu

faza-e-ilm-o-fan par ye misal-e-abr chhai hai

mazaq-e-justuju ban kar rag-e-dil mein samai hai

zabanen aur bhi duniya mein kuchh garmi-e-mahfil hain

magar manzil hai urdu aur wo sab gard-e-manzil hain

har ek andaz raushan har bayan pur-kaif hai is ka

adaen jis qadar bhi hain wo sharh-e-jazba-e-dil hain

zamin-e-sher is ki ek chaman-zar-e-mohabbbat hai

hain jitne git wo sab naghma-e-fitrat ka hasil hai

riyazi ho ki mantiq falsafa ho ya tasawwuf ho

sab is ki bazm mein maujud hain aur jaan-e-mahfil hain

mili hain jalwa-e-fitrat ki sab ranginiyan is ko

muraqqe is ke sine se laga lene ke qabil hain

riwaj is ka jahan ki wusaton mein be-takalluf hai

ye pakiza zaban hai aur latif is ka tasarruf hai

miTa sakta hai kaun aisi zaban-e-pak-fitrat ko

daya dars-e-wafa jis ne mazaq-e-mulk-o-millat ko

jumud-e-zindagi mein hashr barpa kar diya is ne

ata ki hain isi ne bijliyan ehsas-e-ulfat ko

nizam-e-zindagani par baDa ehsan hai is ka

bahut aasaniyan is mein milen tabligh-e-fitrat ko

rahe shan-e-talaqat lafz-o-mani hain ki gul-buTe

zahe auj-e-hazaqat jaan de di murda hikmat ko

ye mumkin hai ki qaumon ko miTa de gardish-e-alam

magar koi miTa sakta nahin urdu ki azmat ko

har ek tahrik is ki tarjuman jazb-e-kaamil hai

ki har aahang-e-urdu hamnawa-e-barbat-e-dil hai