zaban jis ko har ek bole usi ka nam hai urdu

zabāñ jis ko har ik bole usī kā naam hai urdu

zabān-e-sher meñ fitrat kā ik in.aam hai urdu

sabhī is ko samajhte haiñ sabhī meñ aam hai urdu

zabāñ koī bhī ho har ek kā anjām hai urdu

ga.e vo din ki jab kuchh log hī is ko samajhte the

zabānoñ meñ ubhar aa.ī hai tasht-az-bām hai urdu

kahīñ hai ibtidā is kī kahīñ hai intihā maz.har

kahīñ āġhāz hai urdu kahīñ anjām hai urdu

ye bā-aḳhlāq qaumoñ meñ sirishta hai uḳhuvvat kā

sulūk-e-ġhair se bhī aaj ḳhush-anjām hai urdu

muraqqa.a hai hasīñ tahrīk-e-afsānī ke ḳhākoñ kā

mukammal ijtimā-e-gauhar-ayyām hai urdu

urūs-e-zindagī kī tāb-o-zīnat jis zabāñ se hai

usī ḳhush-kām fitrat kā achhūtā naam hai urdu

dayār-e-pāk yā hindostāñ donoñ vatan is ke

zabāñ har ek jis meñ qaid hai vo daam hai urdu

zarā sī Thes se bhī shīsha-e-dil TuuT jaatā hai

bahut nāzuk magar az-qism istihkām hai urdu

ba-har-unvāñ yahī ik peshvā-e-husn-o-ḳhūbī hai

ġhalat hai asia meñ morid-e-ilzām hai urdu

mamālik-ġhair meñ bhī aaj is ko sab samajhte haiñ

vatan vāloñ meñ ek tasvīr-e-sad-aqvām hai urdu

kisī firqe kā leader ho vo leader ban nahīñ saktā

na samjhe jab talak jantā meñ kitnī aam hai urdu

safārat ho cinema ho ki T.v radio sab meñ

suroñ kā nashsha hai fikr-o-nazar kā jaam hai urdu

isī ko bolne meñ ruuh ko ab hai sukūñ hāsil

zamāne kī zabānoñ ke liye paiġhām hai urdu

musalsal irtaqā-e-ādamiyat is se maz.har hai

ba-qaid-e-nutq-e-'mājid' rahbar-e-aqvām hai urdu

zaban jis ko har ek bole usi ka nam hai urdu

zaban-e-sher mein fitrat ka ek inam hai urdu

sabhi is ko samajhte hain sabhi mein aam hai urdu

zaban koi bhi ho har ek ka anjam hai urdu

gae wo din ki jab kuchh log hi is ko samajhte the

zabanon mein ubhar aai hai tasht-az-baam hai urdu

kahin hai ibtida is ki kahin hai intiha mazhar

kahin aaghaz hai urdu kahin anjam hai urdu

ye ba-aKHlaq qaumon mein sirishta hai uKHuwwat ka

suluk-e-ghair se bhi aaj KHush-anjam hai urdu

muraqqa hai hasin tahrik-e-afsani ke KHakon ka

mukammal ijtima-e-gauhar-ayyam hai urdu

urus-e-zindagi ki tab-o-zinat jis zaban se hai

usi KHush-kaam fitrat ka achhuta nam hai urdu

dayar-e-pak ya hindostan donon watan is ke

zaban har ek jis mein qaid hai wo dam hai urdu

zara si Thes se bhi shisha-e-dil TuT jata hai

bahut nazuk magar az-qism istihkaam hai urdu

ba-har-unwan yahi ek peshwa-e-husn-o-KHubi hai

ghalat hai asia mein morid-e-ilzam hai urdu

mamalik-ghair mein bhi aaj is ko sab samajhte hain

watan walon mein ek taswir-e-sad-aqwam hai urdu

kisi firqe ka leader ho wo leader ban nahin sakta

na samjhe jab talak janta mein kitni aam hai urdu

safarat ho cinema ho ki Tw radio sab mein

suron ka nashsha hai fikr-o-nazar ka jam hai urdu

isi ko bolne mein ruh ko ab hai sukun hasil

zamane ki zabanon ke liye paigham hai urdu

musalsal irtaqa-e-adamiyat is se mazhar hai

ba-qaid-e-nutq-e-'majid' rahbar-e-aqwam hai urdu