zauq-e-takallum par urdu ne rah anokhi kholi hai

Hurmatul Ikaram

zauq-e-takallum par urdu ne rah anokhi kholi hai

Hurmatul Ikaram

MORE BY Hurmatul Ikaram

    zauq-e-takallum par urdu ne raah anokhī kholī hai

    rañg gahrā.ī naapī hai phuul ḳhushbū tolī hai

    ye nāzuk jazbāt ke albele iz.hār bolī hai

    urdu pyaar bolī hai

    garmā.e tahzīb mahfil chamkāyā afsāne ko

    rañg bikherā āñchal āñchal ruup maan baḌhāne ko

    shabdoñ ke pyāle meñ is ne dil laalī gholī hai

    urdu pyaar bolī hai

    'mīr' ne dil dhaḌkan 'iqbāl' ne fikr nuur diyā

    'ġhālib' ne āġhosh ko is husn-e-qarīb-o-dūr diyā

    jis pe ḳhazīnoñ ko rashk aa.e urdu vo jholī hai

    urdu pyaar bolī hai

    krishn ke afsānoñ jaadū diloñ saudā kartā hai

    'jigar' naġhma āñkhoñ āñkhoñ meñ ishāra kartā hai

    miloñ se khaliyānoñ tak raqs meñ dīvānoñ Tolī hai

    urdu pyaar bolī hai

    giit 'firāq' ke jhilmil jhilmil karte haiñ mash.al tarah

    hurmat lai sāya-fagan hai sāvan ke bādal tarah

    kis lailā mahmil hai ye kis gorī Dolī hai

    urdu pyaar bolī hai

    zauq-e-takallum par urdu ne rah anokhi kholi hai

    rang ki gahrai napi hai phul ki KHushbu toli hai

    ye nazuk jazbaat ke albele izhaar ki boli hai

    urdu pyar ki boli hai

    garmae tahzib ki mahfil chamkaya afsane ko

    rang bikhera aanchal aanchal rup ka man baDhane ko

    shabdon ke pyale mein is ne dil ki lali gholi hai

    urdu pyar ki boli hai

    'mir' ne dil ki dhaDkan di 'iqbaal' ne fikr ka nur diya

    'ghaalib' ne aaghosh ko is ki husn-e-qarib-o-dur diya

    jis pe KHazinon ko rashk aae urdu ki wo jholi hai

    urdu pyar ki boli hai

    krishn ke afsanon ka jadu dilon ka sauda karta hai

    'jigar' ka naghma aankhon hi aankhon mein ishaara karta hai

    milon se khaliyanon tak raqs mein diwanon ki Toli hai

    urdu pyar ki boli hai

    git 'firaq' ke jhilmil jhilmil karte hain mashal ki tarah

    hurmat ki lai saya-fagan hai sawan ke baadal ki tarah

    kis laila ka mahmil hai ye kis gori ki Doli hai

    urdu pyar ki boli hai

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY