urdu zaban bolo

ai mere pyāre bachcho ai mere achchhe bachcho

urdu zabān bolo urdu zabān bolo

urdu zabān aisī jo bolnā sikhā.e

muñh meñ sabhī ke vo to ras gholnā sikhā.e

is ke hurūf motī alfāz phuul jaise

zehnoñ meñ sab ke ḳhushbū ko chhoḌnā sikhā.e

chāho agar salīqa urdu zabān sīkho

urdu zabān bolo urdu zabān bolo

urdu ke sher saare dekho haiñ kitne pyāre

urdu ġhazal haiñ sunte insān dekho saare

bachchoñ kī chhoTī nazmeñ dekho haiñ kitnī pyārī

har ek bachcha in se letā hai lutf pyāre

motī haiñ ye adab ke hāthoñ se in ko rolo

urdu zabān bolo urdu zabān bolo

hai bolne meñ mīThī likhne meñ ye hasīñ hai

andāz is kā pyārā ye ḳhud bhī dil-nashīñ hai

duniyā kī har zabāñ kī is meñ to ḳhūbiyāñ haiñ

hai husn kā ye mehvar shak is meñ kuchh nahīñ hai

qudrat kā hai ye tohfa ne.amat ḳhudā kī samjho

urdu zabān bolo urdu zabān bolo

jo urdu zabān bole sab ko hai vo to pyārā

sab is se pyaar karte āñkhoñ kā sab kī taarā

bole hai jab vo urdu muñh se haiñ phuul jhaḌte

māñ-bāp kā chahītā ustād kā dulārā

urdu se kitnī shafqat us ne hai paa.ī dekho

urdu zabān bolo urdu zabān bolo

ai mere pyare bachcho ai mere achchhe bachcho

urdu zaban bolo urdu zaban bolo

urdu zaban aisi jo bolna sikhae

munh mein sabhi ke wo to ras gholna sikhae

is ke huruf moti alfaz phul jaise

zehnon mein sab ke KHushbu ko chhoDna sikhae

chaho agar saliqa urdu zaban sikho

urdu zaban bolo urdu zaban bolo

urdu ke sher sare dekho hain kitne pyare

urdu ghazal hain sunte insan dekho sare

bachchon ki chhoTi nazmen dekho hain kitni pyari

har ek bachcha in se leta hai lutf pyare

moti hain ye adab ke hathon se in ko rolo

urdu zaban bolo urdu zaban bolo

hai bolne mein miThi likhne mein ye hasin hai

andaz is ka pyara ye KHud bhi dil-nashin hai

duniya ki har zaban ki is mein to KHubiyan hain

hai husn ka ye mehwar shak is mein kuchh nahin hai

qudrat ka hai ye tohfa neamat KHuda ki samjho

urdu zaban bolo urdu zaban bolo

jo urdu zaban bole sab ko hai wo to pyara

sab is se pyar karte aankhon ka sab ki tara

bole hai jab wo urdu munh se hain phul jhaDte

man-bap ka chahita ustad ka dulara

urdu se kitni shafqat us ne hai pai dekho

urdu zaban bolo urdu zaban bolo