urdu zaban

vo to ābād rakhā ham ne jahān-e-urdu

varna tum kab kā miTā dete nishān-e-urdu

na siyāhī kā samundar na falak sā kāġhaz

kaise likkhe koī tārīf-e-zabān-e-urdu

ham pe tum faḳhr karo hind ke rahne vaalo

ham se qaa.em hai zamāne meñ nishān-e-urdu

ye hai tahzīb kī devī ye adīboñ kī zabāñ

be-adab kaise bhalā jāneñge shān-e-urdu

talḳh bātoñ ko bhī narmī se nibhā letī hai

kitnī ma.asūm tabī.at hai zabān-e-urdu

mushk-o-ambar kī mahak aatī hai bām-o-dar se

aise lafzoñ se muzayyan hai makān-e-urdu

aise urdu ko rag-e-jāñ meñ samo lo 'āmir'

ye zamāna tumheñ kahne lage jān-e-urdu

wo to aabaad rakha hum ne jahan-e-urdu

warna tum kab ka miTa dete nishan-e-urdu

na siyahi ka samundar na falak sa kaghaz

kaise likkhe koi tarif-e-zaban-e-urdu

hum pe tum faKHr karo hind ke rahne walo

hum se qaem hai zamane mein nishan-e-urdu

ye hai tahzib ki dewi ye adibon ki zaban

be-adab kaise bhala jaanenge shan-e-urdu

talKH baaton ko bhi narmi se nibha leti hai

kitni masum tabiat hai zaban-e-urdu

mushk-o-ambar ki mahak aati hai baam-o-dar se

aise lafzon se muzayyan hai makan-e-urdu

aise urdu ko rag-e-jaan mein samo lo 'amir'

ye zamana tumhein kahne lage jaan-e-urdu