uske nam jo mujhe nahin jaanti

nahīñ 'hamesh' aisā mat hone do

abhī to tumheñ ism denā hai

us roTī ke TukḌe ko

jise duniyā bhar kī bhuuk se churāyā gayā

aur ġharībī kis desh kī dev-mālā hai

tumheñ ism denā hai

naujavānī ke dinoñ kī us umañg ko

yā is ke naam ke peḌ kī TuuTī huī ek pattī ko

yā adhūrī sachchā.iyoñ ke naam par jalā.ī ga.ī kitāboñ ko

dekho haañ abhī abhī ek ḳhayāl miTTī par rakkhā gayā hai

kahīñ use lā-vatan na kar diyā jaa.e

mokhoñ par hañsne ke liye bhī to ek hī jaisī hañsī rah ga.ī hai

yahāñ tak ki bijlī chalī jaatī hai aur andesha hotā hai ki us arse meñ maiñ us āvāz meñ

billī ke panjoñ panjoñ se khuruñchne vaalī saffākī baḌh ga.ī ho

ek aadmī kā dil hai ki āsānī se nahīñ mantā

varna auratoñ gāliyoñ se kutte billī to mar hī jaate haiñ

ye jānte hue bhī ki mohabbat ko adākāriyoñ se bachā.e rakhne ke liye tumheñ intizār karnā hai

nahin 'hamesh' aisa mat hone do

abhi to tumhein ism dena hai

us roTi ke TukDe ko

jise duniya bhar ki bhuk se churaya gaya

aur gharibi kis desh ki dew-mala hai

tumhein ism dena hai

naujawani ke dinon ki us umang ko

ya is ke nam ke peD ki TuTi hui ek patti ko

ya adhuri sachchaiyon ke nam par jalai gai kitabon ko

dekho han abhi abhi ek KHayal miTTi par rakkha gaya hai

kahin use la-watan na kar diya jae

mokhon par hansne ke liye bhi to ek hi jaisi hansi rah gai hai

yahan tak ki bijli chali jati hai aur andesha hota hai ki us arse mein main us aawaz mein

billi ke panjon panjon se khurunchne wali saffaki baDh gai ho

ek aadmi ka dil hai ki aasani se nahin manta

warna auraton galiyon se kutte billi to mar hi jate hain

ye jaante hue bhi ki mohabbat ko adakariyon se bachae rakhne ke liye tumhein intizar karna hai