use jina nahin aata jise marna nahin aata

ḳhudā us qaum ko izzat nahīñ detā zamāne meñ

jise qaumī buzurgoñ kā adab karnā nahīñ aatā

yaqīnan hotī hai marne se bad-tar zindagī us kī

jise mulk-o-vatan ke vāste marnā nahīñ aatā

butoñ kā ḳhauf rakhtā hai use larza ba-tan har-dam

ḳhudā ke ḳhauf se jis shaḳhs ko Darnā nahīñ aatā

javāñ mardoñ hī kā hai kaam qata-e-rāh-e-hurriyat

ki is manzil meñ buzdil ko qadam dharnā nahīñ aatā

muqaddar meñ hai us ke umr bhar pāmāl-e-ġham rahnā

jise pāmālī-e-millat kā ġham karnā nahīñ aatā

use zinda na samjho saañs hai go jis ke siine meñ

magar āzādī-e-millat kā dam bharnā nahīñ aatā

ba-qaul-e-hazrat-e-akbar fanā meñ hai baqā muzmar

use jiinā nahīñ aatā jise marnā nahīñ aatā

KHuda us qaum ko izzat nahin deta zamane mein

jise qaumi buzurgon ka adab karna nahin aata

yaqinan hoti hai marne se bad-tar zindagi us ki

jise mulk-o-watan ke waste marna nahin aata

buton ka KHauf rakhta hai use larza ba-tan har-dam

KHuda ke KHauf se jis shaKHs ko Darna nahin aata

jawan mardon hi ka hai kaam qata-e-rah-e-hurriyat

ki is manzil mein buzdil ko qadam dharna nahin aata

muqaddar mein hai us ke umr bhar pamal-e-gham rahna

jise pamali-e-millat ka gham karna nahin aata

use zinda na samjho sans hai go jis ke sine mein

magar aazadi-e-millat ka dam bharna nahin aata

ba-qaul-e-hazrat-e-akbar fana mein hai baqa muzmar

use jina nahin aata jise marna nahin aata