use kahna mohabbat dil ke tale toD deti hai

use kahnā mohabbat dil ke taale toḌ detī hai

use kahnā mohabbat do diloñ ko joḌ detī hai

use kahnā mohabbat naam hai rūhoñ ke milne kā

use kahnā mohabbat naam hai zaḳhmoñ ke silne kā

use kahnā mohabbat to diloñ meñ raushnī bhar de

use kahnā mohabbat pattharoñ ko mom sā kar de

use kahnā mohabbat duur hai rasmoñ-rivājoñ se

use kahnā mohabbat māvarā taḳhtoñ se tājoñ se

use kahnā mohabbat phuul kaliyāñ aur ḳhushbū hai

use kahnā mohabbat chāñd-tāre aur jugnū hai

use kahnā mohabbat kā nahīñ nemul-badal koī

use kahnā mohabbat kā nahīñ hai ham-shakal koī

use kahnā mohabbat par yaqīñ kar lo mire hamdam

use kahnā mohabbat dil meñ tum bhar lo mire hamdam

use kahna mohabbat dil ke tale toD deti hai

use kahna mohabbat do dilon ko joD deti hai

use kahna mohabbat nam hai ruhon ke milne ka

use kahna mohabbat nam hai zaKHmon ke silne ka

use kahna mohabbat to dilon mein raushni bhar de

use kahna mohabbat pattharon ko mom sa kar de

use kahna mohabbat dur hai rasmon-riwajon se

use kahna mohabbat mawara taKHton se tajon se

use kahna mohabbat phul kaliyan aur KHushbu hai

use kahna mohabbat chand-tare aur jugnu hai

use kahna mohabbat ka nahin nemul-badal koi

use kahna mohabbat ka nahin hai ham-shakal koi

use kahna mohabbat par yaqin kar lo mere hamdam

use kahna mohabbat dil mein tum bhar lo mere hamdam