wada

vo va.ada aap kā

va.ada

na ab tak ho sakā puurā

zamīñ badlī zamāñ badlā

magar vo va.ada-e-fardā

abhī tak ik muamma hai

agarche ye haqīqat hai ki

rang-e-khusravī badlā

jahān-e-ḳhud-e-farāmoshī

ke bādal chhaT ga.e saare

shafaq phūTī kiran phūTī dhanak ubhrī

magar sūraj jo niklā sub.h-dam to

ḳhud apnī tīra-baḳhtī par

pashemāñ aur

magar vo va.ada-e-fardā

abhī tak ik muamma hai

ḳhabar ho aap ko shāyad ki

zulmat ke shikanje meñ

sadāqat

sub.h kī dahlīz par

ghuT ghuT ke

martī hai sahar ḳhvāb-e-pareshāñ hai

vo va.ada aap kā

va.ada

na jaane kab

hadīs-e-dil banegā aur

mīzān-e-sadāqat meñ

tulegā rū-ba-rū sab ke

wo wada aap ka

wada

na ab tak ho saka pura

zamin badli zaman badla

magar wo wada-e-farda

abhi tak ek muamma hai

agarche ye haqiqat hai ki

rang-e-khusrawi badla

jahan-e-KHud-e-faramoshi

ke baadal chhaT gae sare

shafaq phuTi kiran phuTi dhanak ubhri

magar suraj jo nikla subh-dam to

KHud apni tira-baKHti par

pasheman aur

magar wo wada-e-farda

abhi tak ek muamma hai

KHabar ho aap ko shayad ki

zulmat ke shikanje mein

sadaqat

subh ki dahliz par

ghuT ghuT ke

marti hai sahar KHwab-e-pareshan hai

wo wada aap ka

wada

na jaane kab

hadis-e-dil banega aur

mizan-e-sadaqat mein

tulega ru-ba-ru sab ke