wafa kaisi?

aaj vo āḳhirī tasvīr jalā dī ham ne

jis se is shahr ke phūloñ kī mahak aatī thī

jis se be-nūr ḳhayāloñ pe chamak aatī thī

ka.aba-e-rahmat-e-asnām thā jo muddat se

aaj us qasr kī zanjīr hilā dī ham ne

aag, kāġhaz ke chamakte hue siine pe baḌhī

ḳhvāb kī lahr meñ bahte hue aa.e sāhil

muskurāte hue hoñToñ kā sulagtā huā karb

sarsarāte hue lamhoñ ke dhaḌakte hue dil

jagmagāte hue āvezāñ kī mub.ham fariyād

dasht-e-ġhurbat meñ kisī hajla-nashīñ kā mahmil

ek din ruuh kā har taar sadā detā thā

kaash ham bik ke bhī is jins-e-girāñ ko pā leñ

ḳhud bhī kho jaa.eñ par is ramz-e-nihāñ ko pā leñ

aql us huur ke chehre kī lakīroñ ko agar

aa miTātī thī to dil aur banā detā thā

aur ab yaad ke is āḳhirī paikar kā tilism

qisa-e-rafta banā ziist kī mātoñ se huā

duur ik khet pe bādal kā zarā sā TukḌā

dhuup kā Dher huā dhuup ke hātoñ se huā

us kā pyaar us kā badan us kā mahaktā huā ruup

aag kī nazr huā aur inhī bātoñ se huā

aaj wo aaKHiri taswir jala di hum ne

jis se is shahr ke phulon ki mahak aati thi

jis se be-nur KHayalon pe chamak aati thi

kaba-e-rahmat-e-asnam tha jo muddat se

aaj us qasr ki zanjir hila di hum ne

aag, kaghaz ke chamakte hue sine pe baDhi

KHwab ki lahr mein bahte hue aae sahil

muskuraate hue honTon ka sulagta hua karb

sarsaraate hue lamhon ke dhaDakte hue dil

jagmagate hue aawezan ki mubham fariyaad

dasht-e-ghurbat mein kisi hajla-nashin ka mahmil

ek din ruh ka har tar sada deta tha

kash hum bik ke bhi is jins-e-giran ko pa len

KHud bhi kho jaen par is ramz-e-nihan ko pa len

aql us hur ke chehre ki lakiron ko agar

aa miTati thi to dil aur bana deta tha

aur ab yaad ke is aaKHiri paikar ka tilism

qisa-e-rafta bana zist ki maton se hua

dur ek khet pe baadal ka zara sa TukDa

dhup ka Dher hua dhup ke haton se hua

us ka pyar us ka badan us ka mahakta hua rup

aag ki nazr hua aur inhi baaton se hua