wahi to lamha tha faisle ka

rafāqatoñ ke tavīl raste

pe chalte chalte

bahut hī uktā gayā thā jānāñ

to ye bhī achchhā huā

ki ik din vo moḌ aayā

ki jis kī pagDañDiyāñ judā thiiñ

bas ik ishāra thī vo hī saa.at

vahī to lamha thā faisle kā

vo haath ab ham ko chhoḌnā the

ki jin ko thāme bahut dinoñ se

rafāqatoñ ke safar meñ

donoñ hī ham-qadam the

to phir vo lamha bhī aa gayā jab

baġhair tamhīd-e-hijr koī

bichhaḌ ga.e ham

alag dishāoñ kā qasd bāñdhe

rafaqaton ke tawil raste

pe chalte chalte

bahut hi ukta gaya tha jaanan

to ye bhi achchha hua

ki ek din wo moD aaya

ki jis ki pagDanDiyan juda thin

bas ek ishaara thi wo hi saat

wahi to lamha tha faisle ka

wo hath ab hum ko chhoDna the

ki jin ko thame bahut dinon se

rafaqaton ke safar mein

donon hi ham-qadam the

to phir wo lamha bhi aa gaya jab

baghair tamhid-e-hijr koi

bichhaD gae hum

alag dishaon ka qasd bandhe