wajud karb se aage

maiñ jauhar par muqaddam huuñ

mire paaoñ kī beḌī ye zamāna ban nahīñ saktā

na hī mahdūd huuñ aur nā-gahānī bhī nahīñ huuñ maiñ

muqaddar thā mirā maazī

magar maiñ haal, mustaqbil kā saudā sar meñ rakhtī huuñ

maiñ hī to markazī kirdār huuñ apnī kahānī kā

asāsī kuchh nahīñ hai

mantiqī nā jauharī kuchh hai

maiñ ḳhud meñ Duub kar tashkīl-e-nau kartī huuñ ḳhud apnī

meñ ḳhud taḳhlīq kartī huuñ

makāñ ke ma.anī-o-mafhūm

sachchā.ī mujh se phūTī hai

maiñ sachchī huuñ magar duniyā ye jhūTī hai

main jauhar par muqaddam hun

mere paon ki beDi ye zamana ban nahin sakta

na hi mahdud hun aur na-gahani bhi nahin hun main

muqaddar tha mera mazi

magar main haal, mustaqbil ka sauda sar mein rakhti hun

main hi to markazi kirdar hun apni kahani ka

asasi kuchh nahin hai

mantiqi na jauhari kuchh hai

main KHud mein Dub kar tashkil-e-nau karti hun KHud apni

mein KHud taKHliq karti hun

makan ke mani-o-mafhum

sachchai mujh se phuTi hai

main sachchi hun magar duniya ye jhuTi hai