wali

ai dakan kī sar-zamīñ ai qibla-e-hindostāñ

tere zarre mehr haiñ terī zamīñ hai āsmāñ

azmat-e-māzī kā dil-afroz nazzāra hai tū

mashriq-e-tahzīb kā pākīza gahvāra hai to

tere har pahlū meñ haiñ ehsās kī bedāriyāñ

tere har manzar meñ haiñ jazbāt kī sarshāriyāñ

hai ḳhizāñ nā-āshnā tere gulistāñ kī bahār

tujh pe hai sāya-fagan dāmān-e-lutf-e-kirdgār

tere dariyā-e-karam kā josh gauhar-bez hai

terī zar-afshāñ zamīñ kā faiz-e-mardum-ḳhez hai

jo javāhar tū ne chamkā.e haiñ apnī ḳhaak se

un kā siina bhar diyā hai jalva-e-idrāk se

vo 'valī' terā hī ik farzand hai ḳhāk-e-vatan

jis kī azmat ne kiyā dehlī meñ āġhāz-e-suḳhan

ruuh meñ jis ne bharī urdu ke be-jāñ jaam meñ

kaif-e-ehsās-e-amal hai jis ke har paiġhām meñ

ik hayāt-e-nau atā kī jis ne maujūdāt ko

jis ne dī ik rūh-e-tāza qalb-e-ehsāsāt ko

us fazā-e-āb-o-gil ko nuur jis ne kar diyā

zarre zarre ko jo ab tuur jis ne kar diyā

soz kī rañgīniyāñ barsā.eñ jis ne saaz se

jagmagā uTThe sitāre jis kī har parvāz se

jis kī fayyāzī se har qatra samundar ho gayā

jis ke naqsh-e-pā se har zarra munavvar ho gayā

jo nahīñ ham meñ magar ham yaad karte haiñ jise

dil ke sherisitān meñ ābād karne luuñ jise

muḳhlisāna yaad meñ jis kī hai apnā naam bhī

yād-e-māzī meñ hai mustaqbil kā ik paiġhām bhī

ai dakan ki sar-zamin ai qibla-e-hindostan

tere zarre mehr hain teri zamin hai aasman

azmat-e-mazi ka dil-afroz nazzara hai tu

mashriq-e-tahzib ka pakiza gahwara hai to

tere har pahlu mein hain ehsas ki bedariyan

tere har manzar mein hain jazbaat ki sarshaariyan

hai KHizan na-ashna tere gulistan ki bahaar

tujh pe hai saya-fagan daman-e-lutf-e-kirdgar

tere dariya-e-karam ka josh gauhar-bez hai

teri zar-afshan zamin ka faiz-e-mardum-KHez hai

jo jawahar tu ne chamkae hain apni KHak se

un ka sina bhar diya hai jalwa-e-idrak se

wo 'wali' tera hi ek farzand hai KHak-e-watan

jis ki azmat ne kiya dehli mein aaghaz-e-suKHan

ruh mein jis ne bhari urdu ke be-jaan jam mein

kaif-e-ehsas-e-amal hai jis ke har paigham mein

ek hayat-e-nau ata ki jis ne maujudat ko

jis ne di ek ruh-e-taza qalb-e-ehsasat ko

us faza-e-ab-o-gil ko nur jis ne kar diya

zarre zarre ko jo ab tur jis ne kar diya

soz ki ranginiyan barsaen jis ne saz se

jagmaga uTThe sitare jis ki har parwaz se

jis ki fayyazi se har qatra samundar ho gaya

jis ke naqsh-e-pa se har zarra munawwar ho gaya

jo nahin hum mein magar hum yaad karte hain jise

dil ke sherisitan mein aabaad karne lun jise

muKHlisana yaad mein jis ki hai apna nam bhi

yaad-e-mazi mein hai mustaqbil ka ek paigham bhi