waqt guzarta nahin

vaqt koī shaam nahīñ

jise vahshat se Dhāñpā jā sake

na koī giit, jis kī lai

hamāre hoñToñ kī giraft meñ ho

ye ek lā-matanāhī lā-ta.alluq hai

vaqt Thahrā rahtā hai

un zamīnoñ par

jahāñ se na.e qāfile nikal paḌte haiñ

vaqt-guzārī ke kaThin safar par

guzishta bahut pīchhe rah gayā

jahāñ tak koī saḌak nahīñ jaatī

gaaḌī kī khaT-khaT se

shahr kī vīrānī kahāñ kam hotī hai

muqaffal gharoñ

aur qahva-ḳhānoñ kī bhunbhunāhat meñ

saarī bāteñ to log karte haiñ!

kitāboñ kī jildeñ, kāġhazoñ kā shor

mobile ke paiġhāmāt

aur vaqt guzar jaatā hai

hālāñki nahīñ guzartā

bachchoñ ko sīḌhiyāñ chaḌhā chukne ke ba.ad

dahlīz par baiTh kar

kisī be-samt ufuq ko ghūrte hue?

hisāb karte hue

un ḳhvāboñ kaa, jo dekhe

waqt koi sham nahin

jise wahshat se Dhanpa ja sake

na koi git, jis ki lai

hamare honTon ki giraft mein ho

ye ek la-matanahi la-talluq hai

waqt Thahra rahta hai

un zaminon par

jahan se nae qafile nikal paDte hain

waqt-guzari ke kaThin safar par

guzishta bahut pichhe rah gaya

jahan tak koi saDak nahin jati

gaDi ki khaT-khaT se

shahr ki virani kahan kam hoti hai

muqaffal gharon

aur qahwa-KHanon ki bhunbhunahat mein

sari baaten to log karte hain!

kitabon ki jilden, kaghazon ka shor

mobile ke paighamat

aur waqt guzar jata hai

haalanki nahin guzarta

bachchon ko siDhiyan chaDha chukne ke baad

dahliz par baiTh kar

kisi be-samt ufuq ko ghurte hue?

hisab karte hue

un KHwabon ka, jo dekhe