waqt ke nam ek KHat

zindagī bahut masrūf ho ga.ī hai

jo ḳhvāb mujhe aaj dekhnā thā

vo aglī paidā.ish tak multavī karnā paḌā hai

bachpan meñ lage zaḳhm par marham rakhne ke liye

doctor ne abhī sirf vaada kiyā hai

kal ke liye sāñseñ kamāte haath

sub.h tak chaa.e nahīñ pī sakte

lekin ghabrāo nahīñ

sab kī yahī hālat hai

vo batā rahī thī

us ne apnī suhāg-rāt tab manā.ī

jab vo haiz ke baras guzār chukī thī

zindagī bahut masrūf ho ga.ī hai

apnī saarī pūñjī bech kar

maiñ ne chand lamhe ye kahne ke liye ḳharīde haiñ

ki jab kabhī maiñ mar gayā

to koshish karnā

mujhe agle janam se zarā pahle dafnā denā

zindagi bahut masruf ho gai hai

jo KHwab mujhe aaj dekhna tha

wo agli paidaish tak multawi karna paDa hai

bachpan mein lage zaKHm par marham rakhne ke liye

doctor ne abhi sirf wada kiya hai

kal ke liye sansen kamate hath

subh tak chae nahin pi sakte

lekin ghabrao nahin

sab ki yahi haalat hai

wo bata rahi thi

us ne apni suhag-raat tab manai

jab wo haiz ke baras guzar chuki thi

zindagi bahut masruf ho gai hai

apni sari punji bech kar

main ne chand lamhe ye kahne ke liye KHaride hain

ki jab kabhi main mar gaya

to koshish karna

mujhe agle janam se zara pahle dafna dena