waqt ki baadh

jhilmiloñ kī aaḌ meñ raqsāñ

dard kī āñdhī

shor machā kar

paanī kī dīvār uThā kar

vaqt kī sarhad toḌ rahī hai

paanī kī dīvār meñ qatra qatra rauzan khol rahī hai

āñkheñ apne haath baḌhā.e

rauzan ke us paar khulī haiñ

aks kī tah meñ

aks ko chhū kar dekh rahī haiñ

bhīge chehre

jismoñ kī mohtāt fasīloñ par chipke be-ḳhud pairāhan

dīvāroñ par giile tīroñ kī bauchhāroñ kī tahrīreñ

nashshe meñ gum peḌoñ ke ḳhvābīda patte

nikhrī ghaas meñ chāñdī ke labrez kaTore

sehr-zada galiyoñ kī bhīgī bhīgī āñkheñ

aur añgḌā.ī letī dhartī kī poroñ se uThtī sarshārī kī ḳhushbū

par aise meñ jal kar

bijlī dahāḌ ke haath jhaTak detī hai

paanī kī dīvār ke pīchhe

sab manzar dhuñdlā detī hai

vaqt kī baaḌh lagā detī hai

jhilmilon ki aaD mein raqsan

dard ki aandhi

shor macha kar

pani ki diwar uTha kar

waqt ki sarhad toD rahi hai

pani ki diwar mein qatra qatra rauzan khol rahi hai

aankhen apne hath baDhae

rauzan ke us par khuli hain

aks ki tah mein

aks ko chhu kar dekh rahi hain

bhige chehre

jismon ki mohtat fasilon par chipke be-KHud pairahan

diwaron par gile tiron ki bauchhaaron ki tahriren

nashshe mein gum peDon ke KHwabida patte

nikhri ghas mein chandi ke labrez kaTore

sehr-zada galiyon ki bhigi bhigi aankhen

aur angDai leti dharti ki poron se uThti sarshaari ki KHushbu

par aise mein jal kar

bijli dahaD ke hath jhaTak deti hai

pani ki diwar ke pichhe

sab manzar dhundla deti hai

waqt ki baDh laga deti hai