waqt ki pabandi

sūraj ke dam-qadam se

raushan jahāñ hai saarā

hai is kī raushnī se

dilkash har ik nazzārā

sūraj agar na hotā

kuchh bhī yahāñ na hotā

sabze kā phuul phal kā

nām-o-nishāñ na hotā

sūraj kī raushnī se

har chiiz ḳhushnumā hai

go vaqt kā hai ḳhāliq

pāband vaqt kā hai

dilkash hai chāñd kaisā

har ik ko bhāne vaalā

hañs hañs ke āsmāñ se

dil ko lubhāne vaalā

phūloñ ko aur phaloñ ko

detā hai ḳhushnumā rang

kaliyoñ meñ pattiyoñ meñ

bhartā hai nit nayā rang

jis raah par chalāyā

ḳhāliq ne chal rahā hai

pāband hukm kā hai

pāband vaqt kā hai

vo dil-fareb taare

raushan hai raat jin se

sharminda jin se motī

hiire haiñ maat jin se

mālūm hai ye kis ko

kab se chamak rahe haiñ

in meñ damak vahī hai

jis roz se bane haiñ

in meñ har ik sitārā

chhoTā hai yā baḌā hai

dekho jo ġhaur se tum

pāband vaqt kā hai

suraj ke dam-qadam se

raushan jahan hai sara

hai is ki raushni se

dilkash har ek nazzara

suraj agar na hota

kuchh bhi yahan na hota

sabze ka phul phal ka

nam-o-nishan na hota

suraj ki raushni se

har chiz KHushnuma hai

go waqt ka hai KHaliq

paband waqt ka hai

dilkash hai chand kaisa

har ek ko bhane wala

hans hans ke aasman se

dil ko lubhane wala

phulon ko aur phalon ko

deta hai KHushnuma rang

kaliyon mein pattiyon mein

bharta hai nit naya rang

jis rah par chalaya

KHaliq ne chal raha hai

paband hukm ka hai

paband waqt ka hai

wo dil-fareb tare

raushan hai raat jin se

sharminda jin se moti

hire hain mat jin se

malum hai ye kis ko

kab se chamak rahe hain

in mein damak wahi hai

jis roz se bane hain

in mein har ek sitara

chhoTa hai ya baDa hai

dekho jo ghaur se tum

paband waqt ka hai