waqt

vaqt us ko hī pyaar kartā hai

jo use pur-vaqār kartā hai

vaqt jā kar kabhī nahīñ aatā

ye bhalā kis se pyaar kartā hai

jo bhī karnā hai bas vo kar guzro

vaqt kab intizār kartā hai

kho diyā jis ne vaqt ko be-kār

umr bhar dukh shumār kartā hai

vaqt kā ho gayā hai jo pāband

aql vo iḳhtiyār kartā hai

vaqt gar aadmī kā achchhā ho

har koī e'tibār kartā hai

vaqt jis kā ḳharāb ho jaa.e

us ko ye zaar zaar kartā hai

vaqt kā e'tibār mat karnā

vaqt kab e'tibār kartā hai

vaqt kī har bahār hai 'abrār'

vaqt har pal bahār kartā hai

waqt us ko hi pyar karta hai

jo use pur-waqar karta hai

waqt ja kar kabhi nahin aata

ye bhala kis se pyar karta hai

jo bhi karna hai bas wo kar guzro

waqt kab intizar karta hai

kho diya jis ne waqt ko be-kar

umr bhar dukh shumar karta hai

waqt ka ho gaya hai jo paband

aql wo iKHtiyar karta hai

waqt gar aadmi ka achchha ho

har koi e'tibar karta hai

waqt jis ka KHarab ho jae

us ko ye zar zar karta hai

waqt ka e'tibar mat karna

waqt kab e'tibar karta hai

waqt ki har bahaar hai 'abrar'

waqt har pal bahaar karta hai