watan

mirī jaan ho ki mirā badan

tirā jalva-gāh hai ai vatan

tirī ḳhaak un kā ḳhamīr hai

mire ḳhuun meñ ye jhalak tirī

mirī nabz meñ ye chipak tirī

mirī saañs tirī safīr hai

tirī ḳhaak jag kā ḳhulāsa hai

terā husn ek tamāshā hai

tirī phailī god ki baaġh hai

tirī ḳhāk-e-pāk zalīl hai

to ġhulāmiyoñ kī dalīl hai

tirī paud sharm kā daaġh hai

tujhe mā-sivā se girā diyā

hameñ mā-sivā ne miTā diyā

hue tafraqoñ se tamām ham

tujhe jab talak ki bhulā rakhā

hameñ vaqt ne bhī miTā rakhā

bane ghar meñ apne ġhulām ham

tire ḳhuun haiñ ye phaTe phaTe

tire puut haiñ ye baTe baTe

tire dil jigar haiñ ye be-vafā

tirā kuchh lahū hī safed hai

ki ajab tarah kā ye bhed hai

nahīñ bhaa.ī bhaa.ī se āshnā

nahīñ ġhair kā hameñ kuchh gilā

ki ġhulāmiyoñ kā ye phal milā

hameñ tafarqe ke junūn se

tire duudh meñ mirī pyārī maañ

nahīñ dard kī koī bijliyāñ

ki milā de ḳhuun ko ḳhuun se

hameñ bhā.iyoñ se ġhurūr haiñ

tire jahl-o-vahm meñ chuur haiñ

ki jo kaam haiñ so ḳhatā ke haiñ

kahīñ zāt-pāt kī laag hai

kahīñ dīn-dharm kī aag hai

kahīñ bair muft ḳhudā ke haiñ

jinheñ piit hai unheñ jiit hai

yahī jag meñ jiit kī riit hai

tire puut apnoñ se ġhair haiñ

hameñ ġhairiyat ye miTānī hai

hameñ jiit aap pe paanī hai

usī ghar ke ġhair se ġhair haiñ

tire puut bhaa.ī haiñ bhaa.ī huuñ

tire dil se sab hī fidā.ī rahūñ

ki tū aap apnī misāl ho

tire zor kī yahī dhaak ho

ki jahāñ burā.ī se paak ho

tirā ilm haq kā kamāl ho

meri jaan ho ki mera badan

tera jalwa-gah hai ai watan

teri KHak un ka KHamir hai

mere KHun mein ye jhalak teri

meri nabz mein ye chipak teri

meri sans teri safir hai

teri KHak jag ka KHulasa hai

tera husn ek tamasha hai

teri phaili god ki bagh hai

teri KHak-e-pak zalil hai

to ghulamiyon ki dalil hai

teri paud sharm ka dagh hai

tujhe ma-siwa se gira diya

hamein ma-siwa ne miTa diya

hue tafraqon se tamam hum

tujhe jab talak ki bhula rakha

hamein waqt ne bhi miTa rakha

bane ghar mein apne ghulam hum

tere KHun hain ye phaTe phaTe

tere put hain ye baTe baTe

tere dil jigar hain ye be-wafa

tera kuchh lahu hi safed hai

ki ajab tarah ka ye bhed hai

nahin bhai bhai se aashna

nahin ghair ka hamein kuchh gila

ki ghulamiyon ka ye phal mila

hamein tafarqe ke junun se

tere dudh mein meri pyari man

nahin dard ki koi bijliyan

ki mila de KHun ko KHun se

hamein bhaiyon se ghurur hain

tere jahl-o-wahm mein chur hain

ki jo kaam hain so KHata ke hain

kahin zat-pat ki lag hai

kahin din-dharm ki aag hai

kahin bair muft KHuda ke hain

jinhen pit hai unhen jit hai

yahi jag mein jit ki rit hai

tere put apnon se ghair hain

hamein ghairiyat ye miTani hai

hamein jit aap pe pani hai

usi ghar ke ghair se ghair hain

tere put bhai hain bhai hun

tere dil se sab hi fidai rahun

ki tu aap apni misal ho

tere zor ki yahi dhak ho

ki jahan burai se pak ho

tera ilm haq ka kamal ho