wirsa

hamārī dāstānoñ meñ

tumhārī dāstāneñ

mil hī jaatī haiñ

hameñ sab yaad hai

vo ek ik manzar

jise in mausamoñ ne

rāgnī honā sikhāyā thā

jinheñ ham duur kī vaadī meñ

pīchhe chhoḌ aa.e the

magar ik aarzū ban kar

vahī vaadī vahī manzar

ta.āqub meñ hai

ḳhvāboñ meñ

mahakte raaz afshāñ haiñ

pighaltī barf ke andar

chanābeñ

TūTne kī muntazir haiñ

ab bhī sahrā meñ

havā.eñ gungunātī haiñ

vo pāvan raag maddham se

yahī punjab kī dhartī jahāñ

ik hiir aur rāñjhe kā vāris maiñ

tan-e-tanhā

faqat maiñ

hamari dastanon mein

tumhaari dastanen

mil hi jati hain

hamein sab yaad hai

wo ek ek manzar

jise in mausamon ne

ragni hona sikhaya tha

jinhen hum dur ki wadi mein

pichhe chhoD aae the

magar ek aarzu ban kar

wahi wadi wahi manzar

taaqub mein hai

KHwabon mein

mahakte raaz afshan hain

pighalti barf ke andar

chanaben

TuTne ki muntazir hain

ab bhi sahra mein

hawaen gungunati hain

wo pawan rag maddham se

yahi punjab ki dharti jahan

ek hir aur ranjhe ka waris main

tan-e-tanha

faqat main