wo be-jaan shajar

aaj savere āftāb aane ke baad

mujhe mere kal ke pahne panT kī jeb par

ik ḳhuun se lat-pat rūmāl milā

saath milī kuchh sūkhī huī nazmeñ

jo kal shab maiñ ne likhī thī

in sūkhī nazmoñ ko takiye tale rakh kar

maiñ ne kal kā vāqi.a yaad kiyā

kuchh dhu.dlī sī thī is vāqiye kī tasvīr mere zehn par

yā yuuñ kahūñ maiñ is vāqiye ko saaf dekhnā nahīñ chāhtā thā

kal shab maiñ ne is taaza laash ko haath jo lagāyā thā

kal shab us laash ke ḳhuun kā surḳh qatra mire rūmāl par jo lagā thā

kal shab kuchh raqīboñ ne us kā qatl jo kiyā thā

kal shab vo behad aziim shāndār shajar mirā thā

kal talak jo detā thā apnī chhāñv kā shāmiyāna

aaj vo paḌā thā lā-vāris sā vo be-jān shajar

aaj sawere aaftab aane ke baad

mujhe mere kal ke pahne panT ki jeb par

ek KHun se lat-pat rumal mila

sath mili kuchh sukhi hui nazmen

jo kal shab main ne likhi thi

in sukhi nazmon ko takiye tale rakh kar

main ne kal ka waqia yaad kiya

kuchh dhudli si thi is waqiye ki taswir mere zehn par

ya yun kahun main is waqiye ko saf dekhna nahin chahta tha

kal shab main ne is taza lash ko hath jo lagaya tha

kal shab us lash ke KHun ka surKH qatra mere rumal par jo laga tha

kal shab kuchh raqibon ne us ka qatl jo kiya tha

kal shab wo behad azim shandar shajar mera tha

kal talak jo deta tha apni chhanw ka shamiyana

aaj wo paDa tha la-waris sa wo be-jaan shajar