wo ek lamha

biit ga.e haiñ kitne din

jab tum ne ye mujh se kahā thā

tum mujh ko achchhī lagtī ho

aur mere hāthoñ par tum ne

ek vo lamha chhoḌ diyā thā

vo lamha jo an-dekhī zanjīr kī sūrat

ruuh se lipTā dil meñ utrā

ḳhuun meñ tair gayā

aaj usī lamhe ko thāme

khaḌī huī huuñ sīḌhī par

bit gae hain kitne din

jab tum ne ye mujh se kaha tha

tum mujh ko achchhi lagti ho

aur mere hathon par tum ne

ek wo lamha chhoD diya tha

wo lamha jo an-dekhi zanjir ki surat

ruh se lipTa dil mein utra

KHun mein tair gaya

aaj usi lamhe ko thame

khaDi hui hun siDhi par