wo jaante hi nahin

maiñ tum se chhūT rahā huuñ mire pyāro

magar mirā rishta puḳhta ho rahā hai is zamīñ se

jis kī god meñ samāne ke liye

maiñ ne puurī zindagī rehearsal kī hai

kabhī kuchh kho kar kabhī kuchh pā kar

kabhī hañs kar kabhī ro kar

pahle din se mujhe apnī manzil kā pata thā

isī liye maiñ kabhī zor se nahīñ chalā

aur jinheñ zor se chalte dekhā

taras khāyā un kī hālat par

is liye ki vo jānte hī na the

ki vo kyā kar rahe haiñ

main tum se chhuT raha hun mere pyaro

magar mera rishta puKHta ho raha hai is zamin se

jis ki god mein samane ke liye

main ne puri zindagi rehearsal ki hai

kabhi kuchh kho kar kabhi kuchh pa kar

kabhi hans kar kabhi ro kar

pahle din se mujhe apni manzil ka pata tha

isi liye main kabhi zor se nahin chala

aur jinhen zor se chalte dekha

taras khaya un ki haalat par

is liye ki wo jaante hi na the

ki wo kya kar rahe hain