wo kaise log hote hain jinhen hum dost kahte hain

vo kaise log hote haiñ jinheñ ham dost kahte haiñ

na koī ḳhuun kā rishta na koī saath sadiyoñ kā

magar ehsās apnoñ sā vo anjāne dilāte haiñ

vo kaise log hote haiñ jinheñ ham dost kahte haiñ

ḳhafā jab zindagī ho to vo aa ke thaam lete haiñ

rulā detī hai jab duniyā to aa kar muskurāte haiñ

vo kaise log hote haiñ jinheñ ham dost kahte haiñ

akele rāste pe jab maiñ kho jā.ūñ to milte haiñ

safar mushkil ho kitnā bhī magar vo saath jaate haiñ

vo kaise log hote haiñ jinheñ ham dost kahte haiñ

nazar ke paas hoñ na hoñ magar phir bhī tasallī hai

vahī mehmān ḳhvāboñ ke jo dil ke paas rahte haiñ

vo kaise log hote haiñ jinheñ ham dost kahte haiñ

mujhe masrūr karte haiñ vo lamhe aaj bhī 'irfān'

ki jin meñ dostoñ ke saath ke pal yaad aate haiñ

vo kaise log hote haiñ jinheñ ham dost kahte haiñ

wo kaise log hote hain jinhen hum dost kahte hain

na koi KHun ka rishta na koi sath sadiyon ka

magar ehsas apnon sa wo anjaane dilate hain

wo kaise log hote hain jinhen hum dost kahte hain

KHafa jab zindagi ho to wo aa ke tham lete hain

rula deti hai jab duniya to aa kar muskuraate hain

wo kaise log hote hain jinhen hum dost kahte hain

akele raste pe jab main kho jaun to milte hain

safar mushkil ho kitna bhi magar wo sath jate hain

wo kaise log hote hain jinhen hum dost kahte hain

nazar ke pas hon na hon magar phir bhi tasalli hai

wahi mehman KHwabon ke jo dil ke pas rahte hain

wo kaise log hote hain jinhen hum dost kahte hain

mujhe masrur karte hain wo lamhe aaj bhi 'irfan'

ki jin mein doston ke sath ke pal yaad aate hain

wo kaise log hote hain jinhen hum dost kahte hain