aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aadmi-nama

Nazeer Akbarabadi

aadmi-nama

Nazeer Akbarabadi

MORE BYNazeer Akbarabadi

    Interesting Fact

    ٓA popular nazm later used in a Hindi film 'Duniya Jhukti Hai'.

    duniyā meñ pādshah hai so hai vo bhī aadmī

    aur muflis-o-gadā hai so hai vo bhī aadmī

    zardār-e-be-navā hai so hai vo bhī aadmī

    nemat jo khā rahā hai so hai vo bhī aadmī

    TukḌe chabā rahā hai so hai vo bhī aadmī

    abdāl, qutub o ġhaus valī-ādmī hue

    munkir bhī aadmī hue aur kufr ke bhare

    kyā kyā karishme kashf-o-karāmāt ke liye

    hattā ki apne zohd-o-riyāzat ke zor se

    ḳhāliq se milā hai so hai vo bhī aadmī

    fir.aun ne kiyā thā jo da.avā ḳhudā.ī

    shaddād bhī bahisht banā kar huā ḳhudā

    namrūd bhī ḳhudā kahātā thā barmalā

    ye baat hai samajhne aage kahūñ maiñ kyā

    yaañ tak jo ho chukā hai so hai vo bhī aadmī

    kul aadmī husn o qubah meñ hai yaañ zuhūr

    shaitāñ bhī aadmī hai jo kartā hai makr-o-zor

    aur haadī rahnumā hai so hai vo bhī aadmī

    masjid bhī aadmī ne banā.ī hai yaañ miyāñ

    bante haiñ aadmī imaam aur ḳhutba-ḳhvāñ

    paḌhte haiñ aadmī qur.ān aur namāziyāñ

    aur aadmī un churāte haiñ jūtiyāñ

    jo un ko tāḌtā hai so hai vo bhī aadmī

    yaañ aadmī pe jaan ko vaare hai aadmī

    aur aadmī pe teġh ko maare hai aadmī

    pagḌī bhī aadmī utāre hai aadmī

    chillā ke aadmī ko pukāre hai aadmī

    aur sun ke dauḌtā hai so hai vo bhī aadmī

    chaltā hai aadmī musāfir ho le ke maal

    aur aadmī maare hai phāñsī gale meñ Daal

    yaañ aadmī said hai aur aadmī jaal

    sachchā bhī aadmī nikaltā hai mere laal

    aur jhuuT bharā hai so hai vo bhī aadmī

    yaañ aadmī shādī hai aur aadmī biyāh

    qaazī vakīl aadmī aur aadmī gavāh

    tāshe bajāte aadmī chalte haiñ ḳhvāh-maḳhvāh

    dauḌe haiñ aadmī to mash.al jalā ke raah

    aur byāhane chaḌhā hai so hai vo bhī aadmī

    yaañ aadmī naqīb ho bole hai baar baar

    aur aadmī payāde haiñ aur aadmī savār

    huqqa surāhī jūtiyāñ dauḌeñ baġhal meñ maar

    kāñdhe pe rakh ke pālkī haiñ dauḌte kahār

    aur us meñ jo paḌā hai so hai vo bhī aadmī

    baiThe haiñ aadmī dukāneñ lagā lagā

    aur aadmī phirte haiñ rakh sar pe khūnchā

    kahtā hai koī lo koī kahtā hai re

    kis kis tarah becheñ haiñ chīzeñ banā banā

    aur mol le rahā hai so hai vo aadmī

    table majīre dā.ere sārañgiyāñ bajā

    gaate haiñ aadmī har ik tarah jā-ba-jā

    ranDī bhī aadmī nachāte haiñ gat lagā

    aur aadmī nāche haiñ aur dekh phir mazā

    jo naach dekhtā hai so hai vo bhī aadmī

    yaañ aadmī la.al-o-javāhar meñ be-bahā

    aur aadmī ḳhaak se bad-tar hai ho gayā

    kaalā bhī aadmī hai ki ulTā hai juuñ tavā

    gorā bhī aadmī hai ki TukḌā hai chāñd-sā

    bad-shakl bad-numā hai so hai vo bhī aadmī

    ik aadmī haiñ jin ke ye kuchh zarq-barq haiñ

    ruupe ke jin ke paañv haiñ sone ke farq haiñ

    jhamke tamām ġharb se le tā-ba-sharq haiñ

    kam-ḳhvāb taash shaal do-shāloñ meñ ġharq haiñ

    aur chīthaḌoñ lagā hai so hai vo bhī aadmī

    hairāñ huuñ yaaro dekho to kyā ye svāñg hai

    aur aadmī chor hai aur aapī thāng hai

    hai chhīnā jhapTī aur baañg taañg hai

    dekhā to aadmī yahāñ misl-e-rāñg hai

    faulād se gaḌhā hai so hai vo bhī aadmī

    marne meñ aadmī kafan karte haiñ tayār

    nahlā-dhulā uThāte haiñ kāñdhe pe kar savār

    kalma bhī paḌhte jaate haiñ rote haiñ zār-zār

    sab aadmī karte haiñ murde ke kārobār

    aur vo jo mar gayā hai so hai vo bhī aadmī

    ashrāf aur kamīne se le shāh-tā-vazīr

    ye aadmī karte haiñ sab kār-e-dil-pazīr

    yaañ aadmī murīd hai aur aadmī piir

    achchhā bhī aadmī kahātā hai ai 'nazīr'

    aur sab meñ jo burā hai so hai vo bhī aadmī

    duniya mein padshah hai so hai wo bhi aadmi

    aur muflis-o-gada hai so hai wo bhi aadmi

    zardar-e-be-nawa hai so hai wo bhi aadmi

    nemat jo kha raha hai so hai wo bhi aadmi

    TukDe chaba raha hai so hai wo bhi aadmi

    abdal, qutub o ghaus wali-admi hue

    munkir bhi aadmi hue aur kufr ke bhare

    kya kya karishme kashf-o-karamat ke liye

    hatta ki apne zohd-o-riyazat ke zor se

    KHaliq se ja mila hai so hai wo bhi aadmi

    firaun ne kiya tha jo dawa KHudai ka

    shaddad bhi bahisht bana kar hua KHuda

    namrud bhi KHuda hi kahata tha barmala

    ye baat hai samajhne ki aage kahun main kya

    yan tak jo ho chuka hai so hai wo bhi aadmi

    kul aadmi ka husn o qubah mein hai yan zuhur

    shaitan bhi aadmi hai jo karta hai makr-o-zor

    aur hadi rahnuma hai so hai wo bhi aadmi

    masjid bhi aadmi ne banai hai yan miyan

    bante hain aadmi hi imam aur KHutba-KHwan

    paDhte hain aadmi hi quran aur namaziyan

    aur aadmi hi un ki churaate hain jutiyan

    jo un ko taDta hai so hai wo bhi aadmi

    yan aadmi pe jaan ko ware hai aadmi

    aur aadmi pe tegh ko mare hai aadmi

    pagDi bhi aadmi ki utare hai aadmi

    chilla ke aadmi ko pukare hai aadmi

    aur sun ke dauDta hai so hai wo bhi aadmi

    chalta hai aadmi hi musafir ho le ke mal

    aur aadmi hi mare hai phansi gale mein Dal

    yan aadmi hi said hai aur aadmi hi jal

    sachcha bhi aadmi hi nikalta hai mere lal

    aur jhuT ka bhara hai so hai wo bhi aadmi

    yan aadmi hi shadi hai aur aadmi biyah

    qazi wakil aadmi aur aadmi gawah

    tashe bajate aadmi chalte hain KHwah-maKHwah

    dauDe hain aadmi hi to mashal jala ke rah

    aur byahane chaDha hai so hai wo bhi aadmi

    yan aadmi naqib ho bole hai bar bar

    aur aadmi hi payaade hain aur aadmi sawar

    huqqa surahi jutiyan dauDen baghal mein mar

    kandhe pe rakh ke palki hain dauDte kahaar

    aur us mein jo paDa hai so hai wo bhi aadmi

    baiThe hain aadmi hi dukanen laga laga

    aur aadmi hi phirte hain rakh sar pe khuncha

    kahta hai koi lo koi kahta hai la re la

    kis kis tarah ki bechen hain chizen bana bana

    aur mol le raha hai so hai wo aadmi

    table majire daere sarangiyan baja

    gate hain aadmi hi har ek tarah ja-ba-ja

    ranDi bhi aadmi hi nachate hain gat laga

    aur aadmi hi nache hain aur dekh phir maza

    jo nach dekhta hai so hai wo bhi aadmi

    yan aadmi hi lal-o-jawahar mein be-baha

    aur aadmi hi KHak se bad-tar hai ho gaya

    kala bhi aadmi hai ki ulTa hai jun tawa

    gora bhi aadmi hai ki TukDa hai chand-sa

    bad-shakl bad-numa hai so hai wo bhi aadmi

    ek aadmi hain jin ke ye kuchh zarq-barq hain

    rupe ke jin ke panw hain sone ke farq hain

    jhamke tamam gharb se le ta-ba-sharq hain

    kam-KHwab tash shaal do-shaalon mein gharq hain

    aur chithaDon laga hai so hai wo bhi aadmi

    hairan hun yaro dekho to kya ye swang hai

    aur aadmi hi chor hai aur aapi thang hai

    hai chhina jhapTi aur bang tang hai

    dekha to aadmi hi yahan misl-e-rang hai

    faulad se gaDha hai so hai wo bhi aadmi

    marne mein aadmi hi kafan karte hain tayar

    nahla-dhula uThate hain kandhe pe kar sawar

    kalma bhi paDhte jate hain rote hain zar-zar

    sab aadmi hi karte hain murde ke karobar

    aur wo jo mar gaya hai so hai wo bhi aadmi

    ashraf aur kamine se le shah-ta-wazir

    ye aadmi hi karte hain sab kar-e-dil-pazir

    yan aadmi murid hai aur aadmi hi pir

    achchha bhi aadmi hi kahata hai ai 'nazir'

    aur sab mein jo bura hai so hai wo bhi aadmi

    Videos
    This video is playing from YouTube

    Videos
    This video is playing from YouTube

    Habib Tanvir

    Habib Tanvir

    Mehdi Zaheer

    Mehdi Zaheer

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now