yaad

ai sabā chāñdnī se kah denā

yaad use sub.h-o-shām karte haiñ

ab kahāñ hai hamāre dil kā sukūñ

ġham meñ Duube kalām karte haiñ

dil bahut be-qarār rahtā hai

Thahar jaa.e kabhī kabhī dhaḌkan

yaad aatī hai us kī shām-o-sahar

ham ko bhātā kahāñ hai ab sāvan

ashk āñkhoñ ke ai mire dilbar

dil ke hālāt aam karte haiñ

luT ga.e zindagī ke sab sapne

phir bhī ham āshiyāñ banāte haiñ

aaj patthar ke shahar meñ phir se

apnī taqdīr āzmāte haiñ

apnī ḳhushiyoñ ko apne hāthoñ se

be-vafā tere naam karte haiñ

ai sabā chāñdnī se kah denā

yaad use sub.h-o-shām karte haiñ

ai saba chandni se kah dena

yaad use subh-o-sham karte hain

ab kahan hai hamare dil ka sukun

gham mein Dube kalam karte hain

dil bahut be-qarar rahta hai

Thahar jae kabhi kabhi dhaDkan

yaad aati hai us ki sham-o-sahar

hum ko bhata kahan hai ab sawan

ashk aankhon ke ai mere dilbar

dil ke haalat aam karte hain

luT gae zindagi ke sab sapne

phir bhi hum aashiyan banate hain

aaj patthar ke shahar mein phir se

apni taqdir aazmate hain

apni KHushiyon ko apne hathon se

be-wafa tere nam karte hain

ai saba chandni se kah dena

yaad use subh-o-sham karte hain