yaad

dayār-e-ġhair meñ sub.h-e-vatan kī yaad aa.ī

nasīm-e-ābla-pā ko chaman kī yaad aa.ī

jarāhatoñ ne kiyā ehtimām-e-lāla-o-gul

bahār-e-rafta ko sarv-o-saman kī yaad aa.ī

guzar rahe the shab-o-roz kunj-e-uzlat meñ

ki sham.a ban ke tirī anjuman kī yaad aa.ī

bujhī huī thī bahut din se ārzū-e-suḳhan

ye aaj kis but-e-shīrīñ-dahan kī yaad aa.ī

dayar-e-ghair mein subh-e-watan ki yaad aai

nasim-e-abla-pa ko chaman ki yaad aai

jarahaton ne kiya ehtimam-e-lala-o-gul

bahaar-e-rafta ko sarw-o-saman ki yaad aai

guzar rahe the shab-o-roz kunj-e-uzlat mein

ki shama ban ke teri anjuman ki yaad aai

bujhi hui thi bahut din se aarzu-e-suKHan

ye aaj kis but-e-shirin-dahan ki yaad aai