yahi tum par bhi khulna hai

achānak aaj mujh ko rāste meñ mil gayā thā vo

tumhārā naam letā thā

mujhe kahne lagā, anjum

ḳhudā-lagtī kaho, tum ne bhī is mah-rū ko dekhā hai

tumhārī aañkh bhī to husn kā idrāk rakhtī hai

tumheñ bhī āshnā.ī hai ki ḳhadd-o-ḳhāl kin kin zāviyoñ se

husn kī tashkīl karte haiñ

to kyā jo haal hai merā bhalā kuchh aur hotā thaa?

mujhe to us pe marnā thā mujhe to ḳhud ko ronā thaa!

maiñ us kī baat sun kar hañs diyā

is shaḳhs ne us shaḳhs ko kis aañkh se dekhā!

mujhe to yuuñ lagā jaise koī dīvān-e-ġhālib kī munaqqash jild kī tārīf kartā ho

achanak aaj mujh ko raste mein mil gaya tha wo

tumhaara nam leta tha

mujhe kahne laga, anjum

KHuda-lagti kaho, tum ne bhi is mah-ru ko dekha hai

tumhaari aankh bhi to husn ka idrak rakhti hai

tumhein bhi aashnai hai ki KHadd-o-KHal kin kin zawiyon se

husn ki tashkil karte hain

to kya jo haal hai mera bhala kuchh aur hota tha?

mujhe to us pe marna tha mujhe to KHud ko rona tha!

main us ki baat sun kar hans diya

is shaKHs ne us shaKHs ko kis aankh se dekha!

mujhe to yun laga jaise koi diwan-e-ghaalib ki munaqqash jild ki tarif karta ho