ye jo apni gol zamin hai

nannhī se ye bolīñ naanī

merī pyārī guḌiyā raanī

tū ne ye kyā khel dikhāyā

khol diyā kyoñ nal kā paanī

aa jā merī god meñ aa jā

sun le mujh se ek kahānī

ye jo apnī gol zamīñ hai

pahle-pahal thī paanī paanī

sab duniyā thī ek samundar

jis kī lahreñ thiiñ tūfānī

rafta rafta ubhrī ḳhushkī

haule haule utrā paanī

peḌ pahāḌ chaTTāneñ sahrā

jañgal kā jañgal haivānī

saarī chīzeñ ho ga.iiñ paidā

tab aa.ī vo sub.h suhānī

jab allāh ne hukm se apne

dikhlāne ko apnī nishānī

duniyā meñ insān ko bhejā

ḳhuub baḌhī nasl-e-insānī

tum ko sun kar hairat hogī

merī pyārī guḌiyā raanī

hisse chaar zamīñ ke hoñ to

ek hai ḳhushkī tiin hai paanī

lekin isti.māl ke qābil

ziyāda paanī nahīñ hai jaanī

thoḌā thoḌā ḳharch kareñ ham

nal kī ToñTī nahīñ bahānī

nannhi se ye bolin nani

meri pyari guDiya rani

tu ne ye kya khel dikhaya

khol diya kyon nal ka pani

aa ja meri god mein aa ja

sun le mujh se ek kahani

ye jo apni gol zamin hai

pahle-pahal thi pani pani

sab duniya thi ek samundar

jis ki lahren thin tufani

rafta rafta ubhri KHushki

haule haule utra pani

peD pahaD chaTTanen sahra

jangal ka jangal haiwani

sari chizen ho gain paida

tab aai wo subh suhani

jab allah ne hukm se apne

dikhlane ko apni nishani

duniya mein insan ko bheja

KHub baDhi nasl-e-insani

tum ko sun kar hairat hogi

meri pyari guDiya rani

hisse chaar zamin ke hon to

ek hai KHushki tin hai pani

lekin istimal ke qabil

ziyaada pani nahin hai jaani

thoDa thoDa KHarch karen hum

nal ki TonTi nahin bahani