ye kaisa raegan sa

intizār sauñpā hai tum ne

na koī harf-e-dildārī

ki jis ko dohrāte hue

sabhī phīke se din

kāsnī beloñ se

Dhak jaa.eñ

na koī lams kī utran

ki

jis ko oḌh ke

maiñ shaam ke pahlū meñ

baiThī tumhāre vasl

ke kuchh ḳhvāb hī

kāḌhūñ

na koī bosa-e-ummīd

mere māthe pe mahkā

ki jis kī lau meñ

merī nazmeñ

raat bhar raqs kartī hoñ

tumheñ yaad kartī hoñ

mire mahbūb

kaisā rā.egāñ sā

intizār sauñpā hai

merī uḌaan se

rahte haiñ ḳhā.if

jo mere par katar ke

shādmāñ haiñ

mirī siine meñ haiñ

sātoñ samundar

mirī āñkhoñ meñ sātoñ

āsmāñ haiñ

intizar saunpa hai tum ne

na koi harf-e-dildari

ki jis ko dohraate hue

sabhi phike se din

kasni belon se

Dhak jaen

na koi lams ki utran

ki

jis ko oDh ke

main sham ke pahlu mein

baiThi tumhaare wasl

ke kuchh KHwab hi

kaDhun

na koi bosa-e-ummid

mere mathe pe mahka

ki jis ki lau mein

meri nazmen

raat bhar raqs karti hon

tumhein yaad karti hon

mere mahbub

kaisa raegan sa

intizar saunpa hai

meri uDan se

rahte hain KHaif

jo mere par katar ke

shadman hain

meri sine mein hain

saton samundar

meri aankhon mein saton

aasman hain