ye kaisi ghaDi hai

ye kund aur yaḳh be-numū niiñd jis meñ

shab-e-irtiqā aur sub.h-e-harīrā kā taaza amal rā.egāñ ho rahā hai

shikasta kināroñ ke andar machaltī huī soḳhta-jān lahroñ kā raqs-e-ziyāñ ho rahā hai

charāġh-e-taharruk kaf-e-sust par be-nishāñ ho rahā hai

mire dahr kā tāq-e-tahzīb jis par

muqaddas sahīfa nahīñ ik riyā-kār mash.al dharī hai

har ik shīsha-e-pāk-bāz-o-safā kī samāvī ragoñ meñ

kisī aks-e-fājir kī miTTī bharī hai

munazzah daraḳhtoñ ke paak aur shīrīñ phaloñ meñ

koī nok-e-teġh-e-najāsat gaḌī hai

ḳhudāyā tire nek bandoñ par uftād kaisī paḌī hai

ye kaisī ghaḌī hai

ye kund aur yaKH be-numu nind jis mein

shab-e-irtiqa aur subh-e-harira ka taza amal raegan ho raha hai

shikasta kinaron ke andar machalti hui soKHta-jaan lahron ka raqs-e-ziyan ho raha hai

charagh-e-taharruk kaf-e-sust par be-nishan ho raha hai

mere dahr ka taq-e-tahzib jis par

muqaddas sahifa nahin ek riya-kar mashal dhari hai

har ek shisha-e-pak-baz-o-safa ki samawi ragon mein

kisi aks-e-fajir ki miTTi bhari hai

munazzah daraKHton ke pak aur shirin phalon mein

koi nok-e-tegh-e-najasat gaDi hai

KHudaya tere nek bandon par uftad kaisi paDi hai

ye kaisi ghaDi hai