ye kawwe kyon laDte hain

tumheñ pata hai ye kavve kyoñ laḌte haiñ

kyoñ ye chhoTī chhoTī bātoñ pe jhagaḌte haiñ

ye din bhar ulajhte haiñ ek dūsre kī bātoñ meñ

aur kabhī kabhī to ye laḌte haiñ añdherī rātoñ meñ

ye laḌte haiñ uThte baiThte jāgte sote

chāhe ghar meñ yā ye ghar se bāhar hote

jaisā ki kabhī vo laḌte haiñ kitāboñ par

copy aur rañgīn penciloñ ke hisāboñ par

ye laḌte haiñ kabhī sur aur sañgīt par

khel meñ kabhī haar aur kabhī jiit par

kabhī schōl kā home-work karne meñ

kabhī tasvīroñ meñ rang bharne meñ

kabhī khāne piine kī chīzoñ par

dastar-ḳhvān aur khāne kī mezoñ par

ye laḌte haiñ daal machhlī aur anDe par

kabhī garm chaa.e aur icecream ke ThanDe par

laḌte hue toḌ dete haiñ gilās aur plate

aur barbād kar dete haiñ ye saarī chokleT

ye laḌte haiñ zor se qahqaha lagāne par

uchhalne kūdne aur ik dūsre ko maar girāne par

ye laḌte haiñ pahle aur dūsre number kī jiit par

Thoñgeñ mārte haiñ chauthe aur tīsre number kī piiTh par

chhuTTiyoñ meñ vo boriyat pe laḌte haiñ

aur apnī zaat kī ahmiyat par jhagaḌte haiñ

laḌte haiñ vo har chhoTī baḌī baat par

kabhī apne kabhī dūsre kavvoñ ke hālāt par

laḌ laḌ kar āḳhir jab vo thak jaate haiñ

to ik dūsre ko gale lagā kar dost ban jaate haiñ

ye dost banñe ke liye ik dūsre se laḌte haiñ

ye jānvar haiñ nā tabhī dostī meñ bhī jhagaḌte haiñ

tumhein pata hai ye kawwe kyon laDte hain

kyon ye chhoTi chhoTi baaton pe jhagaDte hain

ye din bhar ulajhte hain ek dusre ki baaton mein

aur kabhi kabhi to ye laDte hain andheri raaton mein

ye laDte hain uThte baiThte jagte sote

chahe ghar mein ya ye ghar se bahar hote

jaisa ki kabhi wo laDte hain kitabon par

copy aur rangin pencilon ke hisabon par

ye laDte hain kabhi sur aur sangit par

khel mein kabhi haar aur kabhi jit par

kabhi school ka home-work karne mein

kabhi taswiron mein rang bharne mein

kabhi khane pine ki chizon par

dastar-KHwan aur khane ki mezon par

ye laDte hain dal machhli aur anDe par

kabhi garm chae aur icecream ke ThanDe par

laDte hue toD dete hain gilas aur plate

aur barbaad kar dete hain ye sari chokleT

ye laDte hain zor se qahqaha lagane par

uchhalne kudne aur ek dusre ko mar girane par

ye laDte hain pahle aur dusre number ki jit par

Thongen marte hain chauthe aur tisre number ki piTh par

chhuTTiyon mein wo boriyat pe laDte hain

aur apni zat ki ahmiyat par jhagaDte hain

laDte hain wo har chhoTi baDi baat par

kabhi apne kabhi dusre kawwon ke haalat par

laD laD kar aaKHir jab wo thak jate hain

to ek dusre ko gale laga kar dost ban jate hain

ye dost banne ke liye ek dusre se laDte hain

ye jaanwar hain na tabhi dosti mein bhi jhagaDte hain