ye KHalaf ka wada hai

aḳhtaruzzamāñ nāsir

vaqt jaise royā ho

dhuup narm lahje meñ jaise aaj goyā ho

duur koī masjid meñ

biich asr o maġhrib ke

jaise khoyā khoyā ho

aḳhtaruzzamāñ nāsir

maiñ tumhārī āñkhoñ se dekhtā thā duniyā ko

maiñ tumhāre hāthoñ se zindagī ko chhūtā thā

maiñ tumhāre qadmoñ se nāptā thā rastoñ ko

maiñ tumhārī sāñsoñ se sūñghtā thā ḳhushbū ko

maiñ tumhārā manzar thā

be-sadā samundar thā

sar pe āsmāñ tum the

haañ mirā bayāñ tum the

aur merī dhartī meñ chāhateñ tumhārī thiiñ

ādateñ tumhārī thiiñ

din tumhāre lahje kī chhāñv meñ guzarte the

zindagī se laḌte the zindagī se Darte the

aḳhatruzzamāñ nāsir

jaane kyuuñ huā badlī charḳh ne bhī ruḳh badlā

duur masjid-e-jāñ se kyuuñ azān-e-dil ubhrī

sajda-e-talab chamkā

harf-e-kunj-e-lab chamkā

din ġhurūb hote hī zauq-e-muntaḳhab chamkā

kaash ye nahīñ hotā kaash maiñ vahīñ hotā

aḳhtaruzzamāñ nāsir

maiñ kisī tamaddun kā āḳhirī musāfir huuñ

maiñ hazār ḳhvāboñ kī dauḌ-dhūp meñ shāmil

maiñ hazār jazboñ kī rel-pel kā aadī

maiñ hazār hāthoñ se zindagī banātā huuñ

maiñ hazār qadmoñ se rāstoñ pe chaltā huuñ

maiñ hazār shānoñ pe karvaTeñ badaltā huuñ

maiñ hazār āñkhoñ se manzaroñ meñ Dhaltā huuñ

maiñ asiir duniyā kā

maiñ basīr fardā kā

maiñ varaq huuñ maazī kā

vaqt hai munādī kā

Darte Darte kahtā huuñ maiñ bhī ek shā.er huuñ

aḳhtaruzzamāñ nāsir

ye safar jo jaarī hai kaun is kā jaada hai

kaun is kī manzil hai

lauTnā bhī mushkil hai

maiñ to jaise bhar paayā aur ek dar paayā

roz-o-shab kā halqa hai

maiñ bhī ek qaidī huuñ

sub.h kā añdherā huuñ

shaam kī safedī huuñ

aḳhtaruzzamāñ nāsir

naukrī hai sarkārī

badtarīn samjhauta, badtarīn dushvārī

aaj mere hāthoñ meñ tiir haiñ na patthar haiñ

aaj merī āñkhoñ meñ ḳhvāb haiñ na manzar haiñ

maiñ sag-e-malāmat kī sun rahā huuñ āvāzeñ

roz-o-shab ke narġhe se bhāgnā bhī mushkil hai

aur aise aalam meñ

farz-e-ain vājib hai

shuġhl-e-mai bhī jaa.ez hai

aḳhtaruzzamāñ nāsir

hukm mujh ko azbar hai

tiin nannhī dhūpeñ haiñ

vo nafīs paikar hai

jin ke saath jiinā hai

dhuup hai to sahnī hai

bas yahī guzārish hai

ek chhoTī tabdīlī

sirf itnī ḳhvāhish hai

aḳhtaruzzamāñ nāsir

e'tidāl lāzim hai

ye ḳhalaf kā va.ada hai

duur hai ḳhudā lekin

tosha-e-sa.ādat hai

raushnī kā jaada hai

aKHtaruzzaman nasir

waqt jaise roya ho

dhup narm lahje mein jaise aaj goya ho

dur koi masjid mein

bich asr o maghrib ke

jaise khoya khoya ho

aKHtaruzzaman nasir

main tumhaari aankhon se dekhta tha duniya ko

main tumhaare hathon se zindagi ko chhuta tha

main tumhaare qadmon se napta tha raston ko

main tumhaari sanson se sunghta tha KHushbu ko

main tumhaara manzar tha

be-sada samundar tha

sar pe aasman tum the

han mera bayan tum the

aur meri dharti mein chahaten tumhaari thin

aadaten tumhaari thin

din tumhaare lahje ki chhanw mein guzarte the

zindagi se laDte the zindagi se Darte the

aKHatruzzaman nasir

jaane kyun hua badli charKH ne bhi ruKH badla

dur masjid-e-jaan se kyun azan-e-dil ubhri

sajda-e-talab chamka

harf-e-kunj-e-lab chamka

din ghurub hote hi zauq-e-muntaKHab chamka

kash ye nahin hota kash main wahin hota

aKHtaruzzaman nasir

main kisi tamaddun ka aaKHiri musafir hun

main hazar KHwabon ki dauD-dhup mein shamil

main hazar jazbon ki rel-pel ka aadi

main hazar hathon se zindagi banata hun

main hazar qadmon se raston pe chalta hun

main hazar shanon pe karwaTen badalta hun

main hazar aankhon se manzaron mein Dhalta hun

main asir duniya ka

main basir farda ka

main waraq hun mazi ka

waqt hai munadi ka

Darte Darte kahta hun main bhi ek shaer hun

aKHtaruzzaman nasir

ye safar jo jari hai kaun is ka jada hai

kaun is ki manzil hai

lauTna bhi mushkil hai

main to jaise bhar paya aur ek dar paya

roz-o-shab ka halqa hai

main bhi ek qaidi hun

subh ka andhera hun

sham ki safedi hun

aKHtaruzzaman nasir

naukri hai sarkari

badtarin samjhauta, badtarin dushwari

aaj mere hathon mein tir hain na patthar hain

aaj meri aankhon mein KHwab hain na manzar hain

main sag-e-malamat ki sun raha hun aawazen

roz-o-shab ke narghe se bhagna bhi mushkil hai

aur aise aalam mein

farz-e-ain wajib hai

shughl-e-mai bhi jaez hai

aKHtaruzzaman nasir

hukm mujh ko azbar hai

tin nannhi dhupen hain

wo nafis paikar hai

jin ke sath jina hai

dhup hai to sahni hai

bas yahi guzarish hai

ek chhoTi tabdili

sirf itni KHwahish hai

aKHtaruzzaman nasir

e'tidal lazim hai

ye KHalaf ka wada hai

dur hai KHuda lekin

tosha-e-saadat hai

raushni ka jada hai