ye tamasha-e-gah-e-alam kya hai

tum chaman-zād ho fitrat ke qarīñ rahte ho

dil ye kahtā hai ki tum mahram-e-asrār bhī ho

tumheñ fitrat kī bahāroñ kī qasam

ye tamāshā-gah-e-ālam kyā hai

nūr-e-ḳhurshīd kā jāñ-soz jahāñ-tāb jamāl

āsmānoñ pe sitāroñ kā subuk-kām ḳhirām

ye garajte hue bādal

ye samundar kā ḳharosh

ye parindoñ ke suhāne naġhme

kahīñ baḌhtī huī azmat kahīñ luTtā huā husn

be-sabab buḳhl farāvāñ-baḳhshī

qaht ālām masā.ib ke pahāḌ

aish ke khusravī-o-tantana-e-faġhfūrī

kahīñ parvez ke hiile kahīñ chañgez ke zulm

kahīñ shabbīrī-o-ibrāhīmī

raaz hī raaz hai hairat-kada-e-bazm-e-numūd

tum chaman-zād ho fitrat ke qarīñ rahte ho

ye tamāshā-gah-e-ālam kyā hai

nūr-e-mahtāb kī chādar le kar

ghaas sotī hī rahī

phuul lab band rahe

peḌ rahe mahv-e-sukūt

tund-rau bād-e-shumālī kā tarīḌā aayā

phuul teyorā se ga.e

peḌ hue sar-ba-sujūd

ghaas ne chādar-e-mahtāb meñ karvaT badlī

ye tamāshā-gah-e-ālam kyā hai

tum chaman-zad ho fitrat ke qarin rahte ho

dil ye kahta hai ki tum mahram-e-asrar bhi ho

tumhein fitrat ki bahaaron ki qasam

ye tamasha-gah-e-alam kya hai

nur-e-KHurshid ka jaan-soz jahan-tab jamal

aasmanon pe sitaron ka subuk-kaam KHiram

ye garajte hue baadal

ye samundar ka KHarosh

ye parindon ke suhane naghme

kahin baDhti hui azmat kahin luTta hua husn

be-sabab buKHl farawan-baKHshi

qaht aalam masaib ke pahaD

aish ke khusrawi-o-tantana-e-faghfuri

kahin parwez ke hile kahin changez ke zulm

kahin shabbiri-o-ibrahimi

raaz hi raaz hai hairat-kada-e-bazm-e-numud

tum chaman-zad ho fitrat ke qarin rahte ho

ye tamasha-gah-e-alam kya hai

nur-e-mahtab ki chadar le kar

ghas soti hi rahi

phul lab band rahe

peD rahe mahw-e-sukut

tund-rau baad-e-shumali ka tariDa aaya

phul teyora se gae

peD hue sar-ba-sujud

ghas ne chadar-e-mahtab mein karwaT badli

ye tamasha-gah-e-alam kya hai