zaban-e-dargor

sabā us se ye kah jo us taraf ho kar guzartā ho

qadam o jaane vaale rok merā haal suntā jā

kabhī maiñ bhī javāñ thā maiñ bhī husn-o-ilm rakhtā thā

vahī maiñ huuñ mujhe ab dekh agar chashm-e-tamāshā ho

javānī kī umañgeñ shauq-e-ilmī zehn-o-tabbā.ī

zakāvat hausla hilm-o-muravvat rahm-o-ġham-ḳhvārī

ḳhayāl-e-aqrabā ahbāb ke aiboñ kī sattārī

qanā.at dost mujh se duur kosoñ buġhz-o-tammā.ī

ġharaz aisī bahut sī ḳhūbiyāñ thiiñ maut ne lekin

banā Daalā mire ātish-kade ko ḳhaak kā tuudā

sharāroñ ke evaz ab bah rahā hai barf kā dariyā

musāfir ġhaur se sun gor se bachnā hai nā-mumkin

saba us se ye kah jo us taraf ho kar guzarta ho

qadam o jaane wale rok mera haal sunta ja

kabhi main bhi jawan tha main bhi husn-o-ilm rakhta tha

wahi main hun mujhe ab dekh agar chashm-e-tamasha ho

jawani ki umangen shauq-e-ilmi zehn-o-tabbai

zakawat hausla hilm-o-murawwat rahm-o-gham-KHwari

KHayal-e-aqraba ahbab ke aibon ki sattari

qanaat dost mujh se dur koson bughz-o-tammai

gharaz aisi bahut si KHubiyan thin maut ne lekin

bana Dala mere aatish-kade ko KHak ka tuda

shararon ke ewaz ab bah raha hai barf ka dariya

musafir ghaur se sun gor se bachna hai na-mumkin