zahr ka safar
maiñ insān huuñ
maiñ ne ik nāgin ko Dasā
us ko apnā zahr diyā
aisā zahr ki jis kā mantar koī nahīñ
us kī rag rag meñ chiñgārī
us ke lahū meñ aag
mere zahr meñ nasha bhī hai
aisā nasha jis kā koī ḳhumār nahīñ
vo nāgin ab mast nashe meñ jhūmegī
bahak bahak kar har-sū mujh ko DhūñDegī
us kī zabāñ bāhar ko niklī
us ke muñh meñ jhaag
aaj hai logo pūran-māshī
zaḳhmī nāgin zahr ugaltī
insānoñ ko Das ke un ke ḳhuun meñ apnā zahr bharegī
aisā zahr ki jis kā mantar koī nahīñ
un kī rag rag meñ chiñgārī
un ke lahū meñ aag
us kī zabāñ bāhar ko niklī
us ke muñh meñ jhaag
mujh ko Das kar mere ḳhuun ko vāpas merā zahr karegī
merī rag rag meñ chiñgārī
mere lahū meñ aag
main insan hun
main ne ek nagin ko Dasa
us ko apna zahr diya
aisa zahr ki jis ka mantar koi nahin
us ki rag rag mein chingari
us ke lahu mein aag
mere zahr mein nasha bhi hai
aisa nasha jis ka koi KHumar nahin
wo nagin ab mast nashe mein jhumegi
bahak bahak kar har-su mujh ko DhunDegi
us ki zaban bahar ko nikli
us ke munh mein jhag
aaj hai logo puran-mashi
zaKHmi nagin zahr ugalti
insanon ko Das ke un ke KHun mein apna zahr bharegi
aisa zahr ki jis ka mantar koi nahin
un ki rag rag mein chingari
un ke lahu mein aag
us ki zaban bahar ko nikli
us ke munh mein jhag
mujh ko Das kar mere KHun ko wapas mera zahr karegi
meri rag rag mein chingari
mere lahu mein aag
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
