zara si baat

zindagī ke maile meñ ḳhvāhishoñ ke rele meñ

tum se kyā kaheñ jānāñ is qadar jhamele meñ

vaqt kī ravānī hai baḳht kī girānī hai

saḳht be-zamīnī hai saḳht lā-makānī hai

hijr ke samundar meñ

taḳht aur taḳhte kī ek hī kahānī hai

tum ko jo sunānī hai

baat go zarā sī hai

baat umr-bhar kī hai

umr-bhar kī bāteñ kab do-ghaḌī meñ hotī haiñ

dard ke samundar meñ

an-ginat jazīre haiñ be-shumār motī haiñ

aañkh ke darīche meñ tum ne jo sajāyā thā

baat us diye kī hai

baat us gile kī hai

jo lahū kī ḳhalvat meñ chor ban ke aatā hai

lafz kī fasīloñ par TuuT TuuT jaatā hai

zindagī se lambī hai baat ratjage kī hai

rāste meñ kaise ho

baat taḳhliye kī hai

taḳhliye kī bātoñ meñ guftugū izāfī hai

pyaar karne vāloñ ko ik nigāh kaafī hai

ho sake to sun jaao ek roz akele meñ

tum se kyā kaheñ jānāñ is qadar jhamele haiñ

zindagi ke maile mein KHwahishon ke rele mein

tum se kya kahen jaanan is qadar jhamele mein

waqt ki rawani hai baKHt ki girani hai

saKHt be-zamini hai saKHt la-makani hai

hijr ke samundar mein

taKHt aur taKHte ki ek hi kahani hai

tum ko jo sunani hai

baat go zara si hai

baat umr-bhar ki hai

umr-bhar ki baaten kab do-ghaDi mein hoti hain

dard ke samundar mein

an-ginat jazire hain be-shumar moti hain

aankh ke dariche mein tum ne jo sajaya tha

baat us diye ki hai

baat us gile ki hai

jo lahu ki KHalwat mein chor ban ke aata hai

lafz ki fasilon par TuT TuT jata hai

zindagi se lambi hai baat ratjage ki hai

raste mein kaise ho

baat taKHliye ki hai

taKHliye ki baaton mein guftugu izafi hai

pyar karne walon ko ek nigah kafi hai

ho sake to sun jao ek roz akele mein

tum se kya kahen jaanan is qadar jhamele hain