zara si der ko socho
zarā sī der ko socho
ki tum havvā ho maiñ aadam
zarā sī der ko socho
ki ham tum meñ nahīñ hai koī bhī rishta
magar honā hai āḳhir-kār ik duuje se vābasta
zarā sī der ko socho
taqaddus aur mohabbat kī
hasīñ chādar meñ lipTeñ yā
kahīñ apne badan meñ tum
kahīñ apne badan meñ maiñ
bhaTak kar ḳhatm ho jaa.eñ
numū se duur banjar kokh hī meñ bhasm ho jaa.eñ
chalo socheñ abhī socheñ
ki apne chār-sū ab bhī
numū-kārī kā mausam hai
ki fitrat ke taqāzoñ se
abhī yaarī kā mausam hai
chalo socheñ zarā socheñ
zarā sī der ko socho
zarā sī der ko socho
zara si der ko socho
ki tum hawwa ho main aadam
zara si der ko socho
ki hum tum mein nahin hai koi bhi rishta
magar hona hai aaKHir-kar ek duje se wabasta
zara si der ko socho
taqaddus aur mohabbat ki
hasin chadar mein lipTen ya
kahin apne badan mein tum
kahin apne badan mein main
bhaTak kar KHatm ho jaen
numu se dur banjar kokh hi mein bhasm ho jaen
chalo sochen abhi sochen
ki apne chaar-su ab bhi
numu-kari ka mausam hai
ki fitrat ke taqazon se
abhi yari ka mausam hai
chalo sochen zara sochen
zara si der ko socho
zara si der ko socho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
