zara socho

mujhe ma.alūm hai jānāñ

mire marne pe tum aañsū bahāoge

mirī har baat tum ko yaad aa.egī

ba-mushkil bhuul pāoge

zarā socho

ye narmī hamdamī meñ mujh ko mil jaa.e to achchhā ho

mujhe ma.alūm hai

merī ġhalatiyoñ ko sarāsar bhuul jāoge

gile shikve kabhī muñh par na lāoge

zarā socho

tumhārī be-niyāzī

gar merī maujūdgī meñ mujh ko mil jaa.e to achchhā ho

mujhe ma.alūm hai ye bhī

ki merī qabr par

tum phuul rakkhoge mohabbat se

mirī ḳhātir vahīñ kuchh der rah kar ġham bhulāoge

zarā socho

ye chāhat haath hī meñ mujh ko mil jaa.e to achchhā ho

mujhe aisā bhī lagtā hai

mirī āvāz ḳhāmoshī meñ sun kar chauñk jāoge

mirī yādoñ ke añdhere meñ apnā dil jalāo.ge

zarā socho

yaqīñ is raushnī meñ mujh ko mil jaa.e to achchhā ho

mujhe ehsās hotā hai

ki merā rañj kuchh arsa tumheñ maġhmūm rakkhegā

tumheñ zehnī sukūñ se der tak mahrūm rakkhegā

magar jānāñ

ye ġham āsūdgī meñ mujh ko mil jaa.e to achchhā ho

jo mar kar tum se hāsil ho

vo sab is zindagī meñ mujh ko mil jaa.e to

achchhā ho

zarā socho

mujhe malum hai jaanan

mere marne pe tum aansu bahaoge

meri har baat tum ko yaad aaegi

ba-mushkil bhul paoge

zara socho

ye narmi hamdami mein mujh ko mil jae to achchha ho

mujhe malum hai

meri ghalatiyon ko sarasar bhul jaoge

gile shikwe kabhi munh par na laoge

zara socho

tumhaari be-niyazi

gar meri maujudgi mein mujh ko mil jae to achchha ho

mujhe malum hai ye bhi

ki meri qabr par

tum phul rakkhoge mohabbat se

meri KHatir wahin kuchh der rah kar gham bhulaoge

zara socho

ye chahat hath hi mein mujh ko mil jae to achchha ho

mujhe aisa bhi lagta hai

meri aawaz KHamoshi mein sun kar chaunk jaoge

meri yaadon ke andhere mein apna dil jalaoge

zara socho

yaqin is raushni mein mujh ko mil jae to achchha ho

mujhe ehsas hota hai

ki mera ranj kuchh arsa tumhein maghmum rakkhega

tumhein zehni sukun se der tak mahrum rakkhega

magar jaanan

ye gham aasudgi mein mujh ko mil jae to achchha ho

jo mar kar tum se hasil ho

wo sab is zindagi mein mujh ko mil jae to

achchha ho

zara socho