zarb-e-paiham

ye kyā zarb-e-paiham sī

har dam hai siine pe mere

kabhī zarb ulTī lagī yā

mirī pusht ḳhud zarb-e-paiham se ulTī

tū phir riiḌh kī haDDiyāñ merī chTḳhīñ

ki sarhad pe juuñ ek ma.asūm bachche kī haDDī

mujāhid ke būToñ kī zad meñ paḌī charmarātī rahī ho

to kyā zarb-e-paiham se pīchhā chhuḌānā bhī mumkin nahīñ hai?

nahīñ hai to kyā maiñ bhī sīkhūñ

vahī zarb-e-paiham kī saarī adā.eñ?

ki ye zarb-e-paiham muqābil kabhī zarb-e-paiham ke aa.e

ye mumkin hai ifhām-o-tafhīm kī koī sūrat bhī nikle

koī sur mohabbat kā phūTe, fazā gungunā.e

ye kya zarb-e-paiham si

har dam hai sine pe mere

kabhi zarb ulTi lagi ya

meri pusht KHud zarb-e-paiham se ulTi

tu phir riDh ki haDDiyan meri chTKHin

ki sarhad pe jun ek masum bachche ki haDDi

mujahid ke buTon ki zad mein paDi charmaraati rahi ho

to kya zarb-e-paiham se pichha chhuDana bhi mumkin nahin hai?

nahin hai to kya main bhi sikhun

wahi zarb-e-paiham ki sari adaen?

ki ye zarb-e-paiham muqabil kabhi zarb-e-paiham ke aae

ye mumkin hai ifham-o-tafhim ki koi surat bhi nikle

koi sur mohabbat ka phuTe, faza gungunae